احمل هموم اختك عني

احمل هموم اختك عني

موضوعي يخص بنسبه اكبر اخواتنا البنات .. زوجاتنا .. وبناتنا .. وكذلك ابنائنا ...



عالم البنات .. مليان مشاكل ، قصص خياليه .. بعضها يشيب الراس وبعضها يبكي ويحزن .. والقليل منها يفرح ...

اللي يتزوج منّا يالشباب.. بس ، هو اللي يدخل هالعالم ، هذا إذا كان من النوع اللي يستمع لصوت الزوجه
احيانا كثيره .. تكون اخواتك في ورطه ، و يمكن بحسن نيه تلقى شاب غريب عنها هو اللي يحل مشكلتها ، ويعرف اسرارها .. وانتا يالضعيف ماتعرف حتى اسم الدلع حقها ولا عيارتها!!

.. يمكن لأن البنت ماتصرح إلا لبنت مثلها ؟؟

اتوقع انه لو العلاقه بيننا في الأسره الوحده صارت مثل علاقة الأسر في بعض الدول المجاوره كان احنا بخير
اللي اقصده .. ان البنت تصادق اخوها ، والأخ يصادق اخته .. ويصير بينهم صراحه في حدود الأدب
احيانا اسمع زوجتي تتكلم في التلفون مع بعض صديقاتها ويتناقشون في مشكله عائليه عند البنت ، واحيانا تطلب زوجتي مني خدمه تخص صديقتها .. مثل اكتب لها موضوع باللغة الأنجليزية، او اساعدها ببعض الكتب والمراجع ، واحيانا تطلب مني اترجم لها قطعه ، او اجهز لها مواصفات كمبيوتر .. احيانا .. تطلب من زوجتي نشتري لها من السوق قطعة ملابس ، وطبعا انا اللي ادخل مع زوجتي ، واشارك في اختيار الموديل والألوان .. وقد يصل الأمر ,, ان هالبنت ممكن تطلب مجله او بردة ازياء ممنوعه في بيتهم ، وتبينا نشتريها لها !! .. وغيرها الكثير والكثير ..
طيب عندي اسئله كثيره ,, اذكر منها :-

1- من منا يدري ان عند اخته ملابس تخفيها عن اخوانها .. لكن زوج صديقتها شاف واختار ولمس هالملابس حتى قبل لا تشوفها هي وممكن يكون تخيل شكل صديقة زوجته وهي بهاللبس !!!

2- من منا يدري ، ان كتاب اخته بما فيه من اسرار وذكريات ,, انه كان في يد رجل غريب ، اطّلع على اسراره وهو يترجم او يحل مسأله

بينما اخوها ممنوع لا يشوف هالكتاب ؟

3- من منا يتوقع ان بين اغراض اخته ورقه كتبها شاب غريب بخط جميل ، ويمكن معطره بعد .. و تحوي هالورقه موضوع طلبته هذي الاخت من اخو صديقتها بواسطة صديقتها نفسها ,, وبين سطور الموضوع كلمات جميله ومخفيه !!

4- تخيلوا معي .. رساله حب ووفاء ترسلها اختك إلى صديقتها ويقراها اخوها .. او زوجها !!

5- تخيل .. مشكله ما تعرفها انتا .. تطلب اختك من زميلتها انها تساعدها فيها .. وزميلتها تعرض المشكله على زوجها ,, يعني اسرار اختك ، ومشاكلها .. قد تكون مشكله عائليه او صحيه او اجتماعيه .. يعرفها البعيد ، ويمكن هو اللي يحلها .. وانتا يالمسكين .. مبسوط انك تبعد عن مشاكل اهلك ..

الموضوع طويل .. والنقاط ما تخلص ,, لكن الأهم هو ان تفهمون القصد والزبده من هالموضوع !!

ليه احط حاجز بيني وبين اختي ,, ليه ما اجلس معها ، واعطيها الأمان .. احكي لها عن مشاكلي ، وافتح لها باب قلبي ، واسمع منها وانور دربها ؟؟ .. ليه ما اقول لأختي ,, عن نظرة الشباب لمن تلبس هذا اللبس ,, واقولها عن حلمي في زوجة المستقبل ,, وليه ما اقول لها عن اغلب اسراري ؟؟ .. انتم تتصورون ان عندي اسرار تفشل ، وتخجل اوتجرح الحياء ؟

.. ابدا ولله الحمد ,, فأنا ما احب الأسواق ، ولا احب اتكشف اسرار الناس ، ولا عندي اي عاده سيئه ... ليش اخاف من الصراحه ؟؟؟ ...


نعم .... الحقيقه المره ,, اننا من كثر ما فينا من عيوب ,, صرنا نتفشل نتكلم بهمومنا واهتماماتنا .. صرنا غامضين عند اهلنا بس ,, اما عند الشباب .. فحدّث ولا حرج ..
الشباب الطيب كثير والحمدلله .. لكن يوجد كثير فاسدين ايضا ..

اعجبني صديق .. قال لي ان اخته تساعده على كتابة مذكراته واعماله ، وتشتغل على كمبيوتره هو !! نعم .. كم واحد فينا يشتغل مع اخته على كمبيوتر واحد ؟ ويسمح لأخته اصلا انها تدخل وترتب غرفته ؟؟ وتقلب في اوراقه الخاصه ،

كم واحد فيكم يعرف مقاس جزمة اخته ؟ .. انا اعرف مقاس جزم كثير من صديقات زوجتي واختي .. واعرف مقاس البلوزه والتنوره اللي تلبسها فلانه الفلان .. اخت واحد فيكم .. واعرف اسماء زميلاتها اللي تحبهم بعد ، واعرف وش تشجع ، واعرف وش تسمع ، واعرف لونها المفضل ,, واعرف خط يدها ، واعرف اخطائها الإملائيه ،، واعرف حتى لون مناكيرها وماركة المكياج اللي تستعمله، هماني داخل مع زوجتي وهي تشري لأختك !!

يا اخوان .. انا متزوج .. والمرأه بانوثها و عواطفها ماتقدر تخفي شيء عن الشخص اللي يفتح لها قلبه ويهتم بأخبارها وينصت لكلامها ويعطيها فرصه تعبر عن اللي في خاطرها !!

فمن يتبرع منكم ويساعدني بحمل هموم اخته عني .. يكفيني هموم اهلي وزوجتي ,, شيلوا عني مشاكل اخواتكم وعطوهن فرصه يتكلمن ، و قوموا بحاجاتهن ,, انتم اولى من الغريب ,, ترى والله اللي تبيه البنت بتجيبه مادامت مقتنعه فيه ,, كلموا البنت .. اقنعوها او اقتنعوا انتم بأفكارها .. لكن لا ترمون همومهن وحاجاتهن علينا يالمتزوجين !!!!
this is Subject mangol

اخي الغالي المصرقع

موضوع غاية في الاهمية والخطورة


اسمح لي سأعود للرد ومناقشته


تحياتي

فعلا موضوع رائع ويستحق التوقف عنده طويلا ..

في كثير من الحالات في مجتمعنا هناك فجوة بين الأخ والأخت !!

تجد الشاب ينتقد أخته علنا أو سرا ويوبخها ويحيط علاقته معها أو مع الاخرين بكثير من الممنوعات ..

ممنوع ترد على التلفون ..

ممنوع تشتري ملابسها بنفسها ..

ممنوع تزور صديقاتها

ممنوع حتى تتباسط معه أو تتحدث معه في اية مواضيع خاصة ..

بينما تجده يفرح ويستمتع بأن يستمع للأخريات ويلبي طلباتهن ويعاملهن بكل رقة !!

فجوة كبيرة أعتقد أن سببها نظرتنا للمرأة بشكل عام في مجتمعنا !!

نظرة شك وخوف وترقب ..

وكانها حمل ثقيل لا ينتهي حتى نودعها لبيت زوجها ليستلمها الزوج ويمارس معها كل المحظورات السابقة ..

تحياتي لك أخي المصرقع على هذا الموضوع الرائع .

مشكور اخوي ... والله يعطيك العااااااافية



... فعلاً موضوع يستحق الشكر والتقدير

هناك أمور قد لا ننتبه لها
تأخذنا زحمة الحياة ومشاغلها
دون أن نتوقف لنعيد التفكير
بعلاقتنا الأسرية
هل هي متوازنة ؟؟
هل هي صحية ؟؟


الأخ العزيز المصرقع
طبت وطاب منقولك

مع فائق تقديري واحترامي