سراقين.....

قال دحباش رئيس جالية يمنية في دولة اجنبية كلمة ( سراقين ام نُعل) ربما تضحك في غير مناسبة او في موقف مضحك

لكن في عصر أمس خرجت من الصلاة ابحث عن حذاي اكرمكم الله ولم أجدة فتذكرت الجملة التي يقولها اخونا دحباش يا سراقين ام نُعل

ليش السرقه وبالذات نعالي وفي المسجد طايب خلوه يرتاح اشوي والا يفرح بالعيد

حضرت خطبة في يوم من الايام وكان الامام يتحدث عن السرقة وعقوبتها

وبعد الصلاة الخطيب يبحث عن نعالة

طااايب هل يطبق على سارق الاحذية الحد الشرعي او القانوني

والله مقهور نعالي ينسرق انا ونعال ابوي ما ينسرق شي يقهر

شو الحل مع سراقين ام نُعل

بدون طمبسة الموضوع يقهر اكثر من انه مزوح فديت الي يجيب لي الحل

تحياتيىيىىيىي

بصراحه يا ميزو مافي حل للهالمشكله اللي تعاني منها كل المساجد..

و أيام العيد الحالة تزيد و تستعصى عشان الغنايم تكون راهيه و مريشه..

الجماعه عندنا دايما فيه عندهم نعالين وانت بكرامه.. واحد جديم عفا عليه الزمن في السياره على طول للأزمات و الطواري.. والثاني ترا المستعمل

وقت الصلاة يبدل النعال..

و فيه طريقه ثانيه يسوونها بعد.. انك يوم تفسخ النعال وانت بكرامه.. حط كل واحد في جهة بعيده عن الثاني.. عشان لو يا واحد يسرق يدور راسه قبل ما يلقى الثانيه.. خخخخخ

أما الطريقه الثالثه.. ما كثر الله شي في الدنيا كثر الزنوبه..



و كل عام وانت بخير...

السلام عليكم

ماقدروا يسرقونك بالمره مرزوق؟ : )))

الصراحه كانت الخساره اكبر لو تمت سرقتك واختطافك -------> طبعا السارقين اللي بيخسرون وبيندمون بعد : ))))))))))))


يمكن اللي اخذ نعالك تكون شبه نعاله ،،،، ليش ما اعطيته حجه وعذر؟


طيب ليش ما ترييت بعد الصلاة لين الكل يطلع وتشوف شو آخر نعال تبقى؟

لو بقت نعال معناها ان اللي أخذها يمكن مشبه عليها

أو عجبته وترك لك نعاله هديه للعيد : )))


خذ لك نعال جديمه احسن بدل اليديده ،،،،

وعادي تصير في أحسن النعلان




رهف تقول تريد تفهمنا ان نعالك كانت غاليه : )

أقوال مرزوق والله خوش موضوع للعيد

الحمد لله على سلامتك

وسلامة رجلك دامك سلمت ما احد سرقك فالنعال مقدور عليه

انتبه لنفسك في المرة القادمة

اش رايك تروح المسجد حافي إذا خايف على نعالك

دمت ودام نعالك بعيدا عن أعين السراقييييييييييين

الحمد لله على العافية

وكل عام وانت بخير

ا ا اه ه ه ات

فكرة جميلة وين كانت غايبه عني اني اشل تو نُعال اسميج خيباويه ام الافكار الجهنمية

ويقولون بنات البلاد وخصوصا اهل راس الخيمة ما يفكرون ويعطون اقترحات

كذب المنجمون ولو صدقوا من اليوم وساير انتي السوكورتيرة مالي

تعالي الحريم ما تنسرق جواتيهن وصنادلهن واي شي يخصهن

الله لو ينسرق منهن شي ويتشكون اسميني بستانس والضيجه الي في صدري تخوز

ا ا اه ه ه ات الطريقة الثالثه مب كشخه

كل عام وانتي بخير