نصائح للزوجة وللزوج

المقرقع · 28-08-2003, 01:28

نصائح للزوجة

ابتسمي في وجهه و لا تستقبليه بعبوس (كالعادة) .
الزوج : ربنا يستر .
تمشي معه بين الحين و الآخر .
الزوج : سيقول بعد ثلاث دقائق : أخ ... شد عضلي ... لازم أرجع البيت أرتاح .
اعترفي بأخطائك و لا تتكبري .
الزوج : و يا ريتك تتعلمي , مفيش فايدة منك
لتشعريه بأهميته ، اتصلي به في العمل .
الزوج : أنت وراءيا ورأيا حتى في الشغل ؟
اكتبي له قصائد حب و خواطر .
الزوج : حافظ الحركات دي ... مفيش فلوس .
اكتبي له خطابات غرامية .
الزوج : من أمتي تكتبي جوابات غرامية ؟؟؟؟؟؟؟؟؟؟؟
قولي له نكتة ظريفة .
الزوج: (بعد فترة صمت ) فين بقى النكتة ؟
نصيحة : أرسلي له زهور من حين للآخر .
الزوج : لماذا هذه التكاليف ، ثم يرسلها لرئيسه في العمل أو أحد أصدقائه ... أو لزوجته الثانية .

قومي بطهي ما يحب من الأكلات .
الزوج : مفيش أجمل من طبيخ أمي .
أجلسي معه للتخطيط لحياتكما المستقبلة .
الزوج : مالكيش دعوة بالحاجات دي ، خليكي في المطبخ .
قولي له انك بتفكري فيه في كل لحظة .
الزوج : أنا متجوز مخبر وللا إيه :
قدمي له هدية بدون مناسبة .
الزوج : آيه المناسبة ؟ .... عايزه تروحي لامك ؟
قولي له أنا بحبك .
الزوج: عارف .
عند إيقاظه مبكرا اجعلي أول ما يراه ابتسامتك
الزوج : يا فتاح يا عليم يا رزاق يا كريم
إذا تأخر عن موعد رجوعه إلى المنزل فأبدي قلقك عليه
الزوج : يا ساتر على غيرة الستات
اكثري من قول حبيبي .. روحي .. حياتي
الزوج : على فرعون يا هامان ؟
أثناء توجيهه الكلام لك لا تنشغلي عنه بل ركزي في عينيه بنظرات حانية
الزوج .. معقولة مخدتش بالي من الحول اللي في عنيها قبل كده
ساعديه على اختيار ملابس متناسقة الألوان أثناء لبسه
الزوج : يلهوي وكمان عندها عمى الوااااااان
كلما عاد من سفره اجري عليه
الزوج : هما النشالين ورانا ورانا
أشعريه دائما أن وراء كل رجل عظيم آمره
الزوج . دا أكيد عشان تخرب بيته
حاولي ان تشاركيه مشكلاته وتبحثي معه عن الحلول
الزوج : فكراني هاخد بكلامها .. ناقصات عقل ودين
لا تكثري من الطلبات واقتنعي بالقليل
الزوج : مبتطلبش يبقى أكيد بدكن من مصروف البيت
املئي عينيه بجمالك كي لا ينظر إلي غيرك .
الزوج : يا رب أتعمى قبل ما أكررها تاني
أشعريه دوما بأنه سي السيد
الزوج : دي هيا اللي المرأة الخارقة
تذكري دوما أن الطريق إلى قلب الرجل يمر بمعدته
الزوج : المكر مشه عايزه تربي لي كرش
تقبلي ما يشتريه دوما بصدر رحب
الزوج : يا ساتر دي زي المقبرة مبترجعش ميت
حذار أن يكون موعد نومك هو موعد عودته للمنزل
الزوج : يا جدعان سيبوها نوم الظالم عباده
قللي من اتصالاتك بصديقاتك أثناء وجوده بالمنزل
الزوج : الظاهر مش أنا لوحدي اللي زهقت منها

نصائح للزوج
أكثر من الكلام المعسول لها
الزوجة :هي هي الاسطوانة المشروخة إياها
فاجأها من حين لآخر بهدية رومانسية وردة أو كارت
الزوجة :طبعا يسترخص بدل ما يجيب حاجة عليها القيمة
اسمع و أنصت لها أثناء كلامها و أحسسها انك مهتم بما تقوله
الزوجة : خير اللهم اجعلوا خير هوا في إيه ؟؟
امدح طبخها و ذوقها في التفنن في المطبخ
الزوجة : هو دائما كدا يضحك عليا دا الأكل ملحه زايد و شايط كمان
اكثر من الخروج معها في نزهات خارج البيت
الزوجة : هو الراجل دا مش طايق البيت ليه ؟ دائما عايز يكون بره
اصبر عليها إذا غضبت أو احتدت في كلامها
الزوجة : دا بارد برود يفرس
لا تمتدح جمال أي امرأة أخري أمامها
الزوجة : الراجل دا سهن ، قال يعني مش شايف
شاركها في المذاكرة مع الأولاد
الزوجة : هوا شايفني مش عارفة ادرس لهم
شاركها في أعمال المنزل
الزوجة : كل دا عشان ما يجبيش الخدامة اللي أنا طلبتها منه
فاجأها بثوب من حين لآخر
الزوجة : حتى مش هاين عليه بخدني معه اختار بنفسي
ود أهلها و اكثر من زيارتهم معها
الزوجة : هوا نأوي يقولهم إيه بالضبط
لا تبدأ جملة معها ألا بقولك (تحت أمرك) أو (زي ما تحبى)
الزوجة : الراجل دا أكيد أتجوز عليا

شادية · 28-08-2003, 08:51

سديتوا نفسنا عن الزواج حرام عليكم :confused:

المقرقع · 29-08-2003, 07:28

ابحثي عن نصفك الاخر وسوف تعرفين
ان هذا الكلام كلام فاضي :o

الامبراطور · 30-08-2003, 11:30

اخوي المقرقع انا انسدت نفسي كمان عن الزواج(وجه صادق)
وبحثت عن نصفي الاخر (وجه مندفع)

شكرا والف تحيه يا الغالي (وجه يبتسم)


الحوار الحر	صباحك ورد يا وطني	بلوتوث	حكيم روحاني

أدوات الموضوع
عرض نسخة صالحة للطباعة أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

الأتصال بنا \| الأرشيف \| الأعلى
	Powered by vBulletin® Copyright ©2000 - 2007, Jelsoft Enterprises Ltd. Search Engine Optimization

نصائح للزوجة وللزوج

أطياف الحوار الحر