بابتعد لجلك وبانسى نبض قلبي وش يقول = وباقنع افكاري بأنك حلم صعب اني انوله
ياحبيبي كل كلمه قلتها بدمي تجول = وكل حرف بشوق صغته حافظه عرضه بطوله
البدايه بدردشتنا ضحك وخبال وطبول = وقتها كنت اتميلح واصطنع دور البطوله
مادريت ان الاسامي تخدع اصحاب العقول = مادريت اللي مخبى استحلت انها تطوله
أثرها جابت خبر قلبي وانا منها ذهول = أثرني طحت ببحرها وهي بعد مثلي ذهوله
التقينا بالأسامي وكل منّا له ميول = ايه أعشقها وربي بس معرف وش ميوله
كل ماحاول أقرّب تستحيل وماتحول = ماعرفت ابعد .. أقرب .. همي بس اطلب قبوله
لو طلب روحي فداله ما أدور بالحلول = هاك روحي ماتناقش يمك تروح بسهوله
اتفقنا بالمحبه واثرني شلت الحمول = ماني طايق حمل قلبي .. كيف انا باقدر حموله ؟
لو بغيت احلف أَحلْف ان الحلا يسكن خجول = بين شفتها يذوب وباللسان اعلن ذبوله
كنت احس اني تجاهه حيــل يملاني الفضول = اسأله اسمه وسنه .. ووين ساكن باي دوله
منها قررت اني اعرْفه وسقت له حرفي رسول = بالقصايد صرت اسطر واطلبه صوته عموله
كنت امني نبض قلبي يرتوي منه بسطول = كان نفسي من كثر ماعشقه أمسكه وأغوله
ابتدينا بالمحبه واظهر بلفظه القبول = وفي يدينه ألف خنجر تنتظر قلبي تنوله
كان وكري فوق عالي عن هوى قلبي جفول = لين غرتني بهواها وحطت في شبكة حبوله
آآه يالووح الأماني كنت احسب انك تطُول = راح عن بالي تغادر لا أبد ماهو معقوله
انخدعت بصوت ناعم اعتقدت انها بذول = لني اوحيت بنغمها شي من عهد الطفوله
وصرت انادي في حروفه بالجبال وبالسهول = وهو ينادي وبغرابه اني ابعد عن حقوله
وابعد الافكار عني انها انثى نصول = شي متوقع يصير وكنت مستبعد حصوله
كــيف يحيا شخص يضحك بعد مالنعمه تـزول ؟؟ = كيف يضحك شخص خــايب حب له بنتٍ جهوله