]*[ مشكلتي مع الطير ]*[

قم بس قم · 30-04-2004, 03:30

السلام عليكم ورحمة الله وبركاته

الحين انا جالس قدام شاشة الكمبيوتر قلت وش رايك تعلمهم وشلون عايش الطير ياللي الايام هذي بعلمكم وشلون عايش وتقولون رايكم لأنه مفجر مخي بصراحة يالله نبدا بسم الله .

يعني المشكلة تعرفون الواحد أول مايتوظف يعني اوكي يهتم في عمله في الحظور والانصراف وتادية واجب عمله باكمل وجه بس مو لدرجة شي يجيب لك الصمرقع من دون الشغل

الايام الي راحت كنت ما أشوف الطير ابد الا نهاية الاسبوع تعرفون اقول مالها داعي أشغله خله يشتغل ويكبر بعيون ادارته لا يقعد لو صار شي يحطها في ظهري المهم ولا أتصل عليه وأروس له ابيه يتحمس ==> عاش نفس الي عاشه أول ماتوظف
|4|

واتصل عليه بعض الاحيان وهو في الدوام ويقولي مشغول شوي وبمرك (كلهم في نفس نطاق العمل ) يعني مقابل خشتي اربع وعشرين ساعه اقولكم ياجماعة الربع اتصل عليه ويسوي الرجل المهم .انا يا ( قم ) مشغول الحين مررررررررره ( موب عاقل رجل الاعمال ) ولا ازودكم من الشعر بيت مايقول باتصل عليك لا يمرني مره وحده اذا جاني ياليتكم تشوفون شكله زي هذا =>

|266| يجي يوزع ابتسامات وياليته يجلس لو خمس دقايق احسبها له ثلاثين ثانية يصب قهوته ويروح اقوله أجلس شوي يقولي والله مايمديني مشغووووول مره عاد انا تقفل معي تقل بيطير الشغل لو أخذ راحة ربع ساعه وهو من حقه والا وشوله يجيني دامه مشغول يانس بيفجر مخي هالطير أقول في نفسي مو مشكلة معليش الوعد بعد شهرين نشوف وش يسوي يحلفون شكلي بدق عليه القاه عاض مخدته .

عاد أقول في نفسي معليش نتقابل على راحتنا زي كل مره في نهاية الاسبوع ونجلس ونسولف المهم نهاية الاسبوع هذا الي خلص جيته ومزعجني تعال تعال ابيك تجي أنا قلت الرجال احس انه وده يوسع صدره رحت له وياليت ما رحت جلس يسولف ويسولف ويسولف أنا قلت لا الرجال ناوي شر هالويك اند مادريت الا

( وهو ناااااااااااااااااااااااااااااااااااايم )

وياليت تدرون من متى ناايم من العصر قلت في نفسي معليش خله يريح علشان تكون السهره حلوه المهم جت مباراة المنتخب وانا وأخوه جالسين ننصب على بعض ملينا نبي نطلع نتمشى شوي محنب قادرين كلها بسبته مانبي نطلع ومايدري الا وهو لحاله. قلت وش رايك ياقم تصحيه خلاص يكفي هذا الكلام الساعة تسعه قلت يمديه قد ريح وشبع نوم ياليتكم تشوفون شكله وهو نايم تقل ميت جيت بديت اناديه شوي شوي الطير الطير الطير والله ولا كأني اتكلم |2| الي يشوفه يقول في سبات شتوي
المهم جت الساعه وحده في الليل وهو جالس يشاخر ورفسنا انا وخوه وحنا جالسين نتابع التلفزيون كسر عضامتنا المهم انا بدى يجيني النوم قلت خلاص يارجال قم رح نم بس انت تعبان بعد المهم رحت لبيتنا قلت يمكم يصحى الفجر ويدق علي والله ولا أتصال تدرون متى صحى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟

صحى الساااااااااااااااااااااااعة تسعه ونص من العصر أمس وهو نايم ياناس بيفجر قلبييييييييييييييييي دوروا لي حل مع نومه مفجر مخي

سهم كيوبيد · 30-04-2004, 03:44

قم :confused:

يا اخي اش فيك على الرجال

خله ينام ويرتاح

يمكن الرجال تعبان " زياده عن اللزوم "

يقولك مرة سالوا واحد :

ايش تسوي لما تصحى من النوم ..

قال : ارتاح شوي

لا يكون هذا هو الطير واحنا ما ندري :p

الطير ياللي · 30-04-2004, 08:37

قم الحين بينضلوني العالم يحسبوني كذا دايم كلها مرة وحده بس نمت لاني كنت تعبان

بس هين هين اذا ما افضحك ماصير الطير

قم بس قم · 01-05-2004, 10:28

وش الي اخليه ينام يا سهم كل هذا نوم

المشكلة يعني ياليته مو ويك اند كان بكيفه بس المشكلة ويك اند

قم بس قم · 01-05-2004, 10:29

طيروووووووووووووووه فضح فيني بس اتحداك تفضح في نومي |3|

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

الأتصال بنا \| الأرشيف \| الأعلى
	Powered by vBulletin® Copyright ©2000 - 2007, Jelsoft Enterprises Ltd. Search Engine Optimization