آه لو ندري بقدرك لو عرفنا وش مقامك يالحنون = جنَّة الفردوس عندك تحت رجلك يالحبيبة حطَّها
خالق الأكوان ربِّي ما رضا إلاَّ برضاكي و ما يكون = في رضا الرحمن عاصي والدينه في كتابه خطَّها

يا وطن مالي شرف مالي كرامه لو أبي غيرك وطن = يا وطن عزِّي و مجدي بين حضنك تحت ظلَّك يالحبيب

قالوا الصَّديق : و قلت : وين اللي بظهري سيف قاطع للعدا = و اللي مقامك في جبينه لو تبي روحه تلاقيها معاك

القلم عرق الفؤاد اللي نزف ثُمَّن كتب وصف الجروح = و المداد الدَّمِّ لي يجري بذاك العرق واضح في الحروف

وصفها فوق الخيال و حسنها ماله مثيل = كيف أوصفها و عيني ما لقت معشارها

القمر لا شفت نوره ينطفي جمر الفؤاد = لا نظرته شفت خلِّي لي يفوقه بالجمال

غريبة ما لقيت اللي ينسِّيني عذاب هموم = عجيبة و العجب إنِّي على درب الهوى باقي

أنا اهديكم عبير المسك يا الأطياف من قلبي = لكم دايم أنا مشتاق كنِّي فاقدٍ روحي
حبايب منتدى الأطياف يحفظكم أبد ربِّي = معاكم فرحتي تزداد وانسى الهمِّ و جروحي

شفتها بين السحاب و شعرها غطَّى النجوم اللي اختفت = شفتها و النور يضوي قلت قمرا قالت ازود في الحلا
جيتها كلِّي أمل لمس الخدود اللي كما وردٍ نبت = فوق غصنٍ فاح عطره و تاه عقلي في هواها يا ملا
ما قدرت أحكي لساني ما قدر ينطق بكلمة و انبهت = صار قلبي في رجولي غاب فكري من نظرته و انجلى
كل بدور الكون و نجومه و كواكب من ضياها اشرقت = و اختفت شمس الضحى لا ناظرت نور الحبيبة في العلا
كيف تقدر يا صويب الروح توصف شوق قلبٍ هيَّجت = ليتها تناظر عيونٍ بان فيها شوقها لذاك الغلا
لو تبي تجمع حروف القاف عيَّت ترتقي مهما حكت = في سماها لي تعلَّت ما وصلها يوم عاشق مبتلا
آية الحسن و معانيها ترا في كلِّ صورة بيَّنت = جمَّعتها في ثناياها و خلَّتني أسير معلَّلا
آه يا قلبٍ عشقها لا تعذِّبني وانا مالي بخت = لا تحاول تقترب من قلبها اللي من المحبَّة قد خلا
و الهوى يا قلب صادق قد عرفته كم يعذِّب لي سكت = ما يبي الكتمان ناصع في بياضه قد تنزَّه و اعتلا
ناظر العشَّاق واهل العشق تعرف حالة اللي قد ثبت = و استمع شكوى الهوى في داخله يوضح لك اللي تجهلا