هلا بعزوتي

القلب الابيض

هلا بك والف شكر لك على تصنيفك لي مع اخواني الشعراء الكبار


تحياتي واتمنى ان تعفّو عن قلة حيلتي بالابتعاد عن لهجتي الشماليه ومفرداتي البدويه


اتمنى ان اوفق بالاجابة عن اسئلتكم وهذا شرف عظيم لي

وهذه مني لك يالقلب الابيض دامك جيت يمي بالبر

ارحب هلا باللي عنا لي وحياك=حياك واشرب من يمين الشمالي
اشرب معزّه مع غلا طاب ملفاك= وفنجال بنٍ مع علوم الرجالي
لي مدّةٍ وانا اتحرا مطاياك= والحمد لله يوم صارت قبالي
يالقلب الابيض عطني علوم دنياك=واخْذ الجواب ان كان فيها سؤالي
لعْيونك اسْرجْت اشقرٍ شفّي ارضاك= ولْعين من هو للخفيات شالي
آآآآمر تدلّل واصدق العلم ينصاك = لاجلك عزيز ولاعظم القدر طالي

الأطياف -:من أنت ؟

انا من شال جلّ الهمّ صدره =سهر ليله مع النجمات راجي
حمول الوقت يمّي جاد غدره =الا يالله واهديني خراجي
تعبت امن العنا والحل عبره =لعلّ اعْدل من الحظّ اعوجاجي
الا ياسائليني وين صبره =تعذّر لايداويني علاجي

الأطياف ـ : لماذاأختارت شقران اسما مستعارا؟

شقران رمزٍ من عزيزٍ وغالي=اهداه لي وانا قبلته وراضيه
شقران رمز اللي سكن بالجبالي= حرٍ مخاليبه على الدمّ تدعيه
وانا قبلته هِدْو خلٍ صفا لي= يدعيني ابشقران دايم واناجيه

الأطياف - : ماذا يعني الشعر بحياتك اليوميه ؟

بالشعر افضّي ماحجل وسط صدري= وبالشعر اوصّل للولايف عوايا
وبالشعر اداوي موجعاتي وعثري=والشعر فيه ابكي واداوي خفايا
والشعر نجم لتوهتي كان تدري= انصاه لالجلج بكبدي ضمايا

الأطياف -: مطلع أول قصيده نظمتها ؟

البارحه سهران لين اذّن التالي
.......................................وانا على حال العزيزين قعّادي

وهذا من مرثية بوالدتي اول ماطقت شعرا به

الأطياف - : مطلع قصيده قريبة من قلبك ؟

الا يادمعة الاشواق هلّي
............................. لعلّ النار تطفي بالمــعنّا

الأطياف - : متى تكتب القصيده؟ - (الأجابه شعرا)

اكتب قصيدي لانتوى الفكر عني= واقفى لشفّي في ديارٍ بعيده
واكْتبْه حزّة مايجيني مضنّي= دمع الفرح حبري بهذّ القصيده
ياسائلي والشعر بي مستجنّي= في كلّ لحظه وان بغيته نجيده

الأطياف - : اجب بيت شعر واحد عن ماذا يعني لك الآتي :

الاطياف درّه قلب شقرااااااااان مسكنها
.................................... لها الحب واللي تسجد الخــــلق يرجونه

* الأم

الام حضن الدفا ياشاكي البردي=والام نبع الحنان ان جيت يالضامي
والام رحمه وعطف ولذّة الوٍرْدي= (ويلي على امي وحزنه دقدق عظامي)

يتبع

* الوطن

الوطن مانوفي احقوقه علينا = لو سهرنا الليل لاجله مانوفّي
الوطن بارواحنا في كل حينا= له نقوم وله نسير وله نصفّي

* الصديق

الصديق اللي بحزات الملازم= ياقف برجلٍ طويله مايكلا
والصديق ان جت بدنيايا مهازم= مسندي درعي نصوحٍ يوم ازلا
ذا صديقي سائلي كان انت جازم= إلْفني تلقاني الظّلّ المظْلا

* القلم

هو الانيس بضيقتي يوم تاااارد = اخطّ به شكواي وانسى عنايا
وهْو الرفيق اللي للاحزان فارد= يطفي غليلي يوم يلهب حشايا

الحبيبه

من غيرها له فزّ قلبي ورجواه= ومن غيرها جاوبت له نوح ورقا
ومن غيرها ناااخت بقلبي مطاياه= سادت بقلبي واملكت كل عرقا
ومن غيرها جرّيت له آآآه مع آآآه = ومازلت اجرّ الآآآه من حرّ فرقا

* القمر

القمر مشكاي وان سهْرت عيوني= اذكر انه لاكْتمل يشبه لريما
القمر سحره غريبٍ للعيوني= وكم تِغِنّي فيه والله العظيما

الأطياف - : مطلع من قصيده ندمت على كتابتها ؟

جوهرك مغشوش ياعال الرّتب!!!
..............................................بان مدفونك سرابٍ في سراب

الأطياف - : مطلع من قصيده تحت الانشاء ؟

ياسدرة امي وخبري بك لحقتيها ..... علامك اليوم جدّدتي لي احزاني؟

الأطياف - : أختر عضوء من الأطياف وأهدي عليه بيتين من شعرك ؟

والله اختاركم كلكم

واقول

لكم معزّه فووووق فووووق الغيومي
......................................... والْكم بقلب الشمري زين منزاااااااال

الأطياف - : نختم هذا اللقاء باتحافنا بقصيده من نظمك تهديها للأطياف .

قصيدة اتشرف بان تكون اطياف اول من منتدى تنزل فيه

وكانت رداّ على شاعرة كبيره جرت بيني وبينها محاورة مطوله

طيّب المعنى عنى لي واكتسى فكري خِلال=ياجمال الحرف ياقوّه وسيده سلّمه
الهوى شرقي ومزن الفكر سوقاته ثقال = وارتجم واهمل بغيث الشكر لارْوع ملهمه
ملهمه فيها البحور اتزير موجاته طوال= افْحصت مركب خيالي وانتشت فيه اسهمه
وجيت في كفّي شلايا علّها تلقى سجال= مع زعيمه قال لي شعره تفضّل وارسمه
مبهمة شقران شيهانه هوت روس الجبال = صيدها جزلٍ وفي ضرب الفنادي مغرمه
والذي نسجد لوجهه مايعادلها جمال = امْلكت كل الخصال الباينه والمبهمه
البيان بوصفها كامل تفاصيل ودلال= والغموض بسحر نوّخ للخفوق ولملمه
اهتويته والولع قطّع مضاميني شلال = وانزره للوجد في قلبي زهورٍ تزهمه
ايه يالمبهم فديتك كسّر اقيود وغِلال= واذبح الشّكّ بيقينك يارفيع الاوسمه
لاتجادل لاتعاند مانبت صعْبٍ يزال= دوك صرحٍ لك بنيته فيه نارك مشعمه
انزله يفداك عمره من نظر وصلك محال= مير ودّه لو بحلم الليل طيفك يرحمه