هلا العيد هلا بالعيد العيد فرحة

وليه ما نفرح بالعيد مدام احنا عايشين الى اليوم وانا اخذ عيدتي مثلي مثل فهد ووعد وبدل ما اعطيهم هم يعطوني

صح تبدلت معالم العيد من جيل لجيل بس ما تزال فرحته في قلوبنا لن لنا شهر كامل نصوم الله يتقبل منا ومنكم

وهذا من شرع الله نقتل الفرحة في قلوبنا وقلوب من حولينا يكفي انه يظهر التسامح بيننا وتختفي الاحقاد في النفوس والتواصل بين الجميع الي تعرفة والي ما تعرفه

كنا نفصل كندورة وحده (اي ثوب) الحين اقل من ثلات كندورات ما تكفي (بطرانين)
نطلع في العصاري بعد ما نترس البطن لحم ومشاوي نشوف سباق الهجن والخيول والعرضات العياله وغيرها

ونغني(( باكر العيد بنذبح لبقرة وبنعش خماس طويل المنخرة )) اسمينا مقرقعين ههييييههههه

والله العيد له طعم مازال ومثل ما قلتي عبورة الحمام الاغتسال في يوم العيد له نكهة خاصة

ونتسابق كنا من اول واحد يدخل للحمام ونحذرة لا تتأخر والا نقطع عنك الماي من الخزان كنا منفهقين

انا عن نفسي افرح والله بالعيد واخذ العيدية حتى لو حلاوى لو ما عندهم خرده اذكر الوالدة للحين تقولي ابو فهد عندك خرده والا سير اخردلي علشان اعطي عيالك وعيال خوتك

اما الوالد يعطي الجميع ويوم يوصل الدور علي يبتسم خلاص ابو فهد كبرت بس اسويله مقلب اخلي فهد يناديه وقت التوزيع ويعطيني البوك وبعدين يرجع اقوله تراني اخذت عيديتي

اهم شي الاخلاق في العيد

راجع بذكريات جميله ومواقف بدون طمبسة

وكل عام والجميع بخير