رأي الشاعر /عبدالرحمن الرفيع في بنات اليوم .

صقر الامارات · 22-02-2003, 12:41

بنات 2002-2003
بنـــــــــات 2002
بنات 2002 ..ناهد بنات 2002
بنات 2002
هذا رأي االشاعر عبدالرحمن الرفيع في بنات 2002 -2003

هذا زمان المســـخره هذا زمان المســـــــــخره
جوال ومشيه بفشخره في وسط السوق متبختره
والكحله في وسط العيون والشفايف زود محمره
والصدر تتعمد تكفه تخليه مفتوح ما تزرره
هذا زمان المسخره هذا زمان المســـــــــخره
لو يسألها ذاك الفقير وين انتي رايحه يامره
جاه الجواب يبهدله وتقول كلام بيقهره
باروح السوق ابشتري فستان للحفله المزهره
وتروح الصاله كنها عروس مزينه ومعدله ومعطره
وما ترجع الا في الصباح وتشيل الزينه الساحره
هذا زمان المسخره هذا زمان المســـــــــخره
اخر الشهر تقبض الراتب وتروح المجمع وتبعثره
وتعير ذاك الفقير لو اني مثل غيري ما عشت واياك محسره
شوف فلانه وشوف علانه عايشين عيشه ميسره
فله جميله وسياره كشخه ماهو مثلك تركبني سياره مكسره
هذا زمان المسخره هذا زمان المســـــــــخره
لين استلمت ذاك التلفون تبمبع مثل البقره
واتحش في الناس هذا طويل وهذا قصير وحكيها كله مسخره
وفلانه اليوم مطلقه وفلان ماتت له مره
وكلامها أصلا ماله أساس بس هذره فاضيه وبربره
والوقت يسرع والهاتف يحسب أمواله تروح مهدره
هذا زمان المسخره هذا زمان المســـــــــخره
الله يرحم ذاك الزمان الحرمه فيه مستره
كانت تجلس ويا الاذان وتصلي لله وتشــــــــــكره
وتدعي للناس الطيبين بنفس طيبه وطاهره
هذا زمان المسخره هذا زمان المســـــــــخره
مو مثل بنات هذا الزمن تركب ويه الاجنبي بيدها روج ومنظره
وقصت الشعر أخر موديل كأنها ديك منفوش جناحه وعرعره
والعبايه تحطها على الكتف حتى الشعر ماتستره
ولو تقول لها هذا حرام قالت كلامك كله دندره
كلامك كله ما يعني لي شيء أني فتاه متطوره
لا يخدعونك بأسم حضارة هالزمن آخرتها تالي المقبره
وآخر كلامي بالصلاة على النبي واياه العترة الطاهره

لؤلؤة الخليج · 22-02-2003, 02:19

سلام ورحمه................

هلا هلا باخوى صقر الامارات.......... شرفتا بالقصيدة الغاوية..............

انت فنتكة.....................
عاد اخاف امدحك واااااااااااااااااااااااااايد وتناسانا.........
بس تستاهل اخوى يا ولد لؤلؤة الخليج.....
اقول شخبار الامارات اللى عندكم.......
اخبرك ترى انا وااااايد اهذرب.........
بس نحنا من نفس البلد وحياك ...........

اشكرك بس مو جنه مصخيتا......تعرف ان مو كل صوابع ايديك نفس بعض.............

والبنات اشكال وانواع وانت تفهم احسن منى.......

Thanks...............|4||4|

كلثوم · 22-02-2003, 11:13

فعلا البنات مو مثل بعض

في المحترماااات وفي الفاسدااااااات

والاولاد نفس الشيء

تحياتي لك

مرزوق الوسيم · 23-02-2003, 08:03

هههههههههههههههههه

والله انك شي

اسميك لعوزيتهن ههههههههيييييهههههههه

ما مصخيتها

تسلم والله يا صقروووووه

الا شفت شقال

مو مثل بنات هذا الزمن تركب ويه الاجنبي بيدها روج ومنظره
وقصت الشعر أخر موديل كأنها ديك منفوش جناحه وعرعره
والعبايه تحطها على الكتف حتى الشعر ماتستره
ولو تقول لها هذا حرام قالت كلامك كله دندره
كلامك كله ما يعني لي شيء أني فتاه متطوره
لا يخدعونك بأسم حضارة هالزمن آخرتها تالي المقبره

الله يغربلهن طالحات

طمبس

بااااااي

لؤلؤة الخليج · 23-02-2003, 10:41

سلام ورحمه...........
مشكورة اختى كلثم واااااااااااااااااااااااااااااااايد.......
بس اخوى مرزوق خلا اخبرك الشباب مو نفس شىء....
يعني الحين الشاب تشوفه مع الشقره ...لانه ماجايف خير اول مره بالنسبه له
تشوف الواحد اخر كشخه والموبايل والمرسيدس وعاد خكه ومن هناك ماعنده بيزه في مخباه ..
جاف في المباراه طبعا كاس العالم اللاعب الاجنبي الله يذكره بالخير ..كام يقلده ساير عند الحلاق يقول له رفيق يريد هذا نمونه قصه شعر والهندى يالله مال الله يبا رزقه يقول له اجا ارباب ..الحبيب طالع من الحلاق تقول ديايه صافعينها ...
و له ويه يمشى وسط الناس ..عاد القصه ماتيي على الكندوره تبالها حلق واكسسوارات ومرطبات وشوى حمره خدود وعاد اذا كان كشيخ مره يلا حط لك رووووووووووج ...
الشباب ماقاموا يتحملون المسؤوليه ...والله مصخره ..اقول سنعوا اعماركم ولاترمسون على خلق الله ...ترى مثل مافي شين في الزين ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

يتصفح الموضوع حالياً : 1 (0 عضو و 1 ضيف)

الأتصال بنا \| الأرشيف \| الأعلى
	Powered by vBulletin® Copyright ©2000 - 2007, Jelsoft Enterprises Ltd. Search Engine Optimization