لي صاحب من غرامه عشت العذاب=يسوى عندي الوسيعه من شمالها للجنوب
من غلاه سميته حبي وسيد الأحباب=والفكر جداه دايم الدوم حول سماه يجــوب
لا من نظرني أغيب وما أدرك الصواب=ينخطف لوني وأضيع أنا بمتاهات الدروب
عشقه بعيني ينقرا كما صفحة بكتاب=واضـح المعانـي ما ينفـع معاه الهــروب
القلب من أسبابه طريح وبهمه مصاب=ما يعوض غيابه لا غاب جميع هالشعــوب
دونه أشعر اني انسان عايش باغتراب=وحيد بدنيته والزمن يجتاحه من كل صوب
معـاه أصبح تلميـذ ما عرف الجـواب=وده بكلمـه لجل ترضيـه وبمحبتـه يـذوب
انت روحي وعمري وابتساماتي العذاب=والعمـر قبـل شوفـك تـراه هب ابمحسـوب
لا تخليني,,, ما ودي أعيش الاكتئــاب=ولا تحمل النفس فوق..... ذنوبهــا ذنــوب
مغرم بك ومن عقبك سديت أنا البــاب=وما غيرك لي ريته بحياتي اليوم محبوب
عاتبني وخاصمني يا زين منك العتاب=أحس بمتعتــه لنك مختلف عن القلــوب
بكفة الميزان الهوى يا سيدي غلاب=وراضي بالواقع دام أنا فيك يا الغلا موهوب