الأطياف -:من أنت ؟
عرفت إني أنا محمد وقلبي ماهو بـ عادي=أمير و موطنه حزني وشعبه همي و دمعي
الأطياف - : ماذا يعني الشعر بحياتك اليوميه ؟
الشعر أصله محبة يبتدي بـ حب و غرام=و آخر حروفه جروح و قلب لـ احزانه عجول
الشعر لو كنت مبدع ماهو معناها تمام=كثر ابداعي يكون الجرح باعماقي مهول
الأطياف -: مطلع أول قصيده نظمتها ؟
(( من أول ماكتبت))
حلّي الواجب و روحي حان تسليم الدفاتر=يا صغيرة في ليالي الحب توك مابتديتي
الأطياف - : مطلع قصيده قريبة من قلبك ؟
أخبار عطري يالعنود اللي تضميني معاه؟ =أو نزل عطرٍ جديد و قلتي يا محمد خلاص
راحت الموضة وعطرك ماحدٍ غيري رماه=صارت الرشة فـي صدري مثل طلقات الرصاص
الأطياف - : متى تكتب القصيده؟ - (الأجابه شعرا)
إذا عشت الفرح لحظات ناسي كل أحزاني=و مارست بـ شفافية إنسانيتي وطيبي
و صارت دنيتي آمال كني فـ عالمٍ ثاني=تاكد بس لحظتها بـ أن اقلامي فـ جيبي
الأطياف - : اجب بيت شعر واحد عن ماذا يعني لك الآتي :
* الأم
تبيني أكتفي بـّ يتين لجل أوصف لك إياها ؟؟=يكفي إنها أنثى تحت أقدامها الجنة
* الوطن
الوطن حنا حُماه و كل مافينا فداه=و كل نبض فينا نادى باسمك الله والوطن
* الصديق
ماني بقادر أسولف عن بلاوي هـ الصديق=خلْني ساكت يا أخى وشّو له تفتح لي جروح
* القلم
هو مناديلي يناديلي وانا له أستجيب=هو صديقي هو رفيقي هوّ دائي و الدوا
* الحبيب
دورت في وجيه النسا =عن ربع وجهك .. مالقيت
* القمر
يسامرني في أحزاني=يلملمني ليا تبعثرت
الأطياف - : مطلع من قصيده ندمت على كتابتها ؟
( نبطياً ) لا يوجد
الأطياف - : مطلع من قصيده تحت الانشاء ؟
صحيح إني أنا شايل عليك فـ خاطري حاجات=لكن شوفني احفر على جدار الوله افديك
في بعدك رغم زلاتك أعيش و امحي اللي فات=تعال ولا يهمك لو كذبت وقلت لك مابيك
أبد مامات فيني شي ينبض داخلي بسكات=كبر مثل الصغير اللي اذا ربيته يداريك
الأطياف - : أختر عضوء من الأطياف وأهدي عليه بيتين من شعرك ؟
حقيقة .. هناك عضو يستحق مني الكثير .. لن أذكر إسمه .. لكن المعذرة لا أستطيع ( الآن ) كتابة ما يمكنني كتابته تجاهه .. لكن يكفي ان مافي القلب .. ليس بـ الهيّن .. !!
الأطياف - : نختم هذا اللقاء باتحافنا بقصيده من نظمك تهديها للأطياف .
لأن الوضع الحالي ..
لا يبشر بـ خير ..
ولأن الوضع ( الماصخ ) ..
لا يخيّر بـ شر ..
كان هذا النزول من القمة ..
بـ الضبط تماماً ..
كـ الصعود إلى القاع .. !!
أ
ح
ر
فٌ
كتبتني على أوراق الحيرة ..
كما لم تكتب من قبل .. !!
رسمتني في لوحة ..
بلا ألوان .. !!
هنا
أتركني ..
و أتركها ..
وأترك الدنيا ..
على أمل اللقاء في
( العُليا ) ..
قبل أن تتركني .. !!
!
!
!
!
إيه كان الاختيار إني أسافر عن هواك=لا الزمن أنصف شعوري ولاهو راضي ينصفك
بالبداية كنتي أروع شخص .. في عيني ملاك=يوم قرّبتك لقلبي صرت ماقدر اعرفك
كان ( يتخبّط ) مرادي بين هذا وبين ذاك=بين عيني .. وبين قلبي .. بس خايف أجحفك
عشنا في حيرة عظيمة لين قربنا الهلاك=و لين قلنا للفراق .. الله و اكبر ما لطفك
وانتهى شيٍ جمعنا .. كان يجمعني بفضاك=وكان يجمعك بهوى من زود جرحه ينزفك
ماقدرت إني اكون اللي يدور عن رضاك=وحتى إنتي ماقدرتي تجبريني .. آلفك
ياخسارة .. بداخلي حبٍ ولا نصفه عطاك=وياخسارة .. ماعرفت أشلون أفهم موقفك
كان في قلبي حياةٍ ودها تكسب وفاك=وكان فيني بحر حبٍ .. ودّه انه يرشفك
!
!
!
!
ومازالت الحيرة ..
تقتات على ماتبقى بي من قلب ..
حتى أكاد أرى مكانه خاوياً ..
من المشاعر .. والعشائر
حينها قلت لها ..
!
!
!
!
كان ذاك اليوم أغبر يوم فكرت .. بجفاك=يوم قلت ان المحبة بداخلي تستنزفك
!
!
!
!
وكان القرار ..
والاختيار ..
والتوسل إلى جسد ..
إمرأة ..
وقلب قبائل نساء ..
أن تسكنني ..
!
!
!
!
شفتي كل ذيك الحروف ..؟ .. توعديها بالهلاك=و عودي لمحمّد تراه اشتاق حتى لمعطفك
!
!
!
!
!
!
!
!
!
!
!
( ايه والله.. ايه والله .. اشتقت حتى لـ معطفك )
الإهداءات
05-12-2004, 11:46
العرض العادي
