|
|
 |
||||||||
 |
 |
 |
 |
 |
 |
 |
 |
 |
 |
||||||||
|
|||||||
| أطياف القوافي للأدب الشعبي
شعر ، شعر عامي ، شعر شعبي ، شعر نبطي ، شعر النبط ، شعر خليجي ، شعر البادية ، قصائد ، قصائد عامية ، قصائد نبطية ، نثر ، شعر قوافي ، شعر منظوم ، مواقع شعر شعبي ، مواقع شعراء ، برامج شعر ، شاعر المليون ، شاعر المعنى |
 |
|
|
أدوات الموضوع | انواع عرض الموضوع |
04-05-2005, 06:19
|
#1 |
 تاريخ التسجيل: Dec 2002
الدولة: المملكه العربيه السعوديه - الرياض
المشاركات: 60
 |
قصة بن برمان السبيعي و جارهـ بن حويل الدوسري و عتقه لإبنه من القتل
أحداث هذهـ القصة و قعت قرابة عام 1360هـ قرب محافظة رماح التابعة للرياض في روضة خريم تحديدا . حيث تجاور دحيم بن برمان العزة السبيعي من سبيع أهل الحاير و عبيد بن حويل الخييلي الدوسري زمنا طويلا ، و ربعوا تلك السنه في رماح حيث الربيع كان وافرا ، و كانت عائلتي الجارين متقاربين جدا وكأنهم عائلة واحدهـ ، و كان إبن عبيد الدوسري و إبن دحيم بن برمان سارحان بحلال أهلهم و كانوا بسن متقاربة أعمارهم حوالي 15 سنه وكانوا يتمازحون مع بعضهم و مع ولد الدوسري بندقية وهم يتمازحون مع بعضهم اذ ثارت البندق في ولد السبيعي فأردته قتيلا ، فهرب ولد الدوسري يم أهلهم المتجاورين لبيت أمه فأخبرها بالخبر فذهبلت به أمه لأم مساعد التي هي أم الولد المقتول فأخبروها فنادت الأخ الأكبر له مساعد وقالت له خذ أخوك فلان ( ولد الدوسري ) ورح به للرياض عند أبوك و أبوهـ عند الملك عبدالعزيز و إهرب به قبل لايدرون العزة و حنا بنتولى دفن أخوك ، و إن دروا العزة بيذبحون الدوسري وهو ذبحه خطأ ، فذهب به أخو المقتول مقيد للرياض عند أبويهم بالرياض و أخبروهـم الخبر فقام دحيم بن برمان و قص من شعر راس ولد الدوسري فقال أنت معتوق لوجه الله سبحانه و تعالى و لا نبي ديه و لا غيرها ، مانبي الإ العوض من الله بولدنا ، و اليوم زوجتي تبكي ولدها و لاني مخلي قصيرتي تبكي ولدها زود ، اللي مات ولدي و اللي عاش ولدي ، فقال عبيد بن حويل الدوسري قصيدتين يمدح فيها دحيم بن برمان و يمدح فيها سبيع ، و أصبح كل ماذهب مكانا أو حل ضيفا عند أحد فلا يتقهوى عند مضيفيه قبل سماع القصيدتين ، حتى حينما يذهبون للمديد وقت الصيف من الحسا ياخذون التمر يرقى على أعلى مكان عندهـ و يصيح للناس إنهم يسمعون القصيدتين منه التي يمدح فيها جارهـ بن برمان العزة السبيعي ، و هذهـ إحداها و إن حصلت على الأخرى فأبشروا بها ، و القصيدة هي :-
ياراكبن هجنٍ مراديم وسمان=عيرات الانضاء مايرقع حفاها ياراكبين الهجن نصوهن عمان=ومروا على رفحا وروحوا وراها في كل ديره جددوا لابن برمان=قصرٍ من البيضاء رفيعٍ بناها ثم اجنبوا من عندكم يم نجران=دار المذاكر دوجوا في قراها حطوا له البيضاء على كل مابان=راعي الفعول اللي طريٍ نباها ومروا على الخرمه وحطوا بها اعلان=اعلان بيضاء كل من جاء قراها وابنوا بدار سبيع بيضآ لها شان=من مر ديرتهم يشوقه بناها نصوهن الحاير عسى دربكم زان=ديرة سبيع متيهين قصراها اللي عطا جاره عطآ مابعد كان=عطيةٍ ماقبله احدٍ عطاها ماهيب لاغرسٍ ولا ابلٍ ولاضان=ولاعطا دنيآ يدور جزاها يبغى العلوم الطيبه مثل ماكان=قصيرته عطيت ولدها وجاها يافاعل الحسنى جزاك الله احسان=فعلت لك حسنى على الله جزاها أخوكم جريح نجد أبو فهد زيد السبيعي
__________________
دخل أعرابي عمر مائه و عشرين سنه على معاوية بن أبي سفيان - رضي الله عنه - فقال له : صف لي الدنيا ؟! ، فقال : سنيات البلاء ، و سنيات الرخاء ، يولد مولود ، و يهلك هالك ، و لولا المولود باد الخلق ، و لولا الهالك ضاقت الأرض ! و هذهـ تقلبات الزمان ، و تغيرات الأحوال ، و سبحان من لا يدوم إلا وجهه الكريم. التعديل الأخير تم بواسطة جريح نجد ; 04-05-2005 الساعة 06:31. |
|
|
04-05-2005, 06:42
|
#2 |
  
تاريخ التسجيل: Jan 2005
الدولة: بقلب من حبني !
المشاركات: 2,407
|
مشاركة: قصة بن برمان السبيعي و جارهـ بن حويل الدوسري و عتقه لإبنه من القتل
الخير بوجهك اخوي ابو زيد وبوجيه سبيع كلهم !!
قبيلة سبيع لي معهم صولات وجولات وخاصه مع ابو ثنين من سبيع ويعلم الله انهم وافين في رجولتهم وكرمهم وشجاعتهم !! اخوك الـــعــــــ نواف ــــتـــــــــيبي !!
__________________
|
|
|
|
04-05-2005, 09:01
|
#3 | |
|
تاريخ التسجيل: Dec 2002
الدولة: المملكه العربيه السعوديه - الرياض
المشاركات: 60
|
مشاركة: قصة بن برمان السبيعي و جارهـ بن حويل الدوسري و عتقه لإبنه من القتل
اقتباس:
تسلم أخوي نواف العتيبي و ماعليكم زود يا عتيبه علومكم غانمه لكني أبو فهد ماني أبو زيد لأن إسمي زيد 
__________________
دخل أعرابي عمر مائه و عشرين سنه على معاوية بن أبي سفيان - رضي الله عنه - فقال له : صف لي الدنيا ؟! ، فقال : سنيات البلاء ، و سنيات الرخاء ، يولد مولود ، و يهلك هالك ، و لولا المولود باد الخلق ، و لولا الهالك ضاقت الأرض ! و هذهـ تقلبات الزمان ، و تغيرات الأحوال ، و سبحان من لا يدوم إلا وجهه الكريم. |
|
|
|
|
05-05-2005, 12:12
|
#4 |
|
تاريخ التسجيل: Jan 2005
الدولة: بقلب من حبني !
المشاركات: 2,407
|
مشاركة: قصة بن برمان السبيعي و جارهـ بن حويل الدوسري و عتقه لإبنه من القتل
حصل خير حبيب قلبي ابو فهد !!
وشكرا مره ثانيه على القصه والقصيده !! اخوك مداوي
__________________
|
|
|
|
07-05-2005, 03:25
|
#5 |
|
مراقبة عامة
تاريخ التسجيل: Apr 2004
الدولة: السعودية
المشاركات: 26,614
|
مشاركة: قصة بن برمان السبيعي و جارهـ بن حويل الدوسري و عتقه لإبنه من القتل
 السلام عليكم ورحمة الله وبركاته ღ♥ღ مساء الورد ღ♥ღ قصة رااائعة أخوي أبو فهد يعطيك العافية ننتظر جديدك  الله يحفظك يارب
__________________
[عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا]
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
 |
العرض العادي
