في حفل تتويج معناها وغلاها=ارتديت اجمل مشاعر اقتنيها
ان تمنيت الحلا شفته حلاها=وان تمنيت الدفا شفته يديها
شمعةٍ توقد دروب اللي نصاها=مزنةٍ ما خيّبت من يرتجيها
أجمل اللحظات يوم اسكن معاها=عالم احلامٍ تخليني انتشيها
وارحل لكوكب خيالي في مداها =واحتفي من فكرها ومن راحتيها
مبدعه ما عانت الكلمه شفاها=شاعره ورق المعاني تنتقيها
ما بغيت الوقت يرحل في سناها=ودي يتوقف زماني واحتويها
كل لحظه اعيشها تحيي لقاها=وتمتطي صهوة مواقف تنتميها
مهما تمنحني المشاعر من وفاها=أبقى في حالة ظما واوله عليها
من غلاها ما أبي أحدٍ سواها=يحكم احساسي ونفسٍ تحتفيها
غير كل الناس في قمة نقاها=ماتغيرها اعاصيرٍ تجيها
ليتني كلمه يتيمه في شفاها=ليتني قطرة ندى في وجنتيها
سيدة قلبي وانا قلبي عطاها=حب واشواقٍ ولهفه ترتجيها
ان تمنتني ويا محلا مناها=ما اقدر اخذلها وانا كلي يبيها
ان هوت نفسي هوى قلبي رضاها=وان هوت روحي انا وروحي افتديها

يفتخر حرفٍ يحلّق في سماها=ويعتلي شاني وانا دوم احتويها
الفكر يتعب وهذا في سناها=ينتقي الكلمه عبيرٍ ينتخيها
يقدم الإعراب شكر بمبتداها =اسبقت حرفي وانا كلي يبيها
لا بغيت اكتب وصفٍ في حلاها=زانها اسم الله ذكر بشفتيها
لاابتدت تقرا القصيده من صداها =هزّت اركان الخفوق بدمعتيها
كلها إ حساس رقّه عن سواها=شاعره صدق ومشاعر تقتنيها
مصدر الإبداع تكتب في ضماها =صادقه في كل كل ما تكتب يديها
لي عطت تصدق وهذا في دماها =ولي حوت كل الحنايا تفتديها
صابره لي قلت هذا من عناها =من صبر أيوب شيٍ يكتسيها
تكتم الأحزان نارٍ في في حشاها =تريّح قلوبٍ وهي اللي تصطليها
ما وصل احدٍ مشاعر مستواها=تكتب بأشعار متجدد حكيها
ما لها بين الخلايق في نقاها=طيبه بالخلق يا خوفي عليها
ساميه بأخلاق محمودٍٍ ثراها=تدخل الجنات بارضى والديها
صادقه والله باخلاقٍ حباها =وافيه بالوعد قلبي مشتريها
غاليه عندي غزا قلبي هواها =باقيه بالقلب تبغيني وابيها
ان بغتني دوم تلقاني معاها =وان بغتني روح روحي ترتجيها
أسأل المعبود يمنحني رضاها =واسأله اترجاه شرٍ لا يجيها