بعض الأيام حلوه ودنا ما تغيـــب = وبعضها ودنا ننسى مرارتهـــا
وبعضها متعبه لكن كجرح الطبيــب = تجرح النفس بس تجتثّ علاتهــا
وبعضها والله إن الطفل منها يشيــب = كم عيون استباحت فيض عبراتها
إن جرح موسها الملعون جرحه عطيب = وإن هوى صخرها حطّم ممراتهـا
وبعضها مرةً تخطئ ومرة تصيـــب = يلعب الحظ دوره في مسيراتهــا
وبعضها للعـب و اللهو أكـبر نصـيب = ويا خذ النوم مايبقى من أوقاتـها
هذي مسرع تلاشى بعيدها والقريـب = ولا تسجل في التاريخ بصماتهـا
وبعضها حيل صعبه بس ترد الحبيــب = وهذي اللي نبي تنعاد دوراتهــا
رغم ما تحتوي من هول موقف عصيـب = ورغم شدة مواجعها ولوعاتهــا