جار السوء
وصّانا عليه الصلاة والسلام بالإحسان إلى الجار وفي كثيراً من الأحاديث النبوية أكد أن للجار على الجار حقوق كثيرة
ويقول المثل ( عليك بالجار لو جار ) ولكن بعض الجيران هداهم الله وأصلحهم يقومون بتصرفات غريبة تثير جيرانهم تصرفات تطّفش حتى العفريت لأن بعض الجيران بصراحة أكثر من عفاريت , الناس تصبح وتقول أصبحنا وأصبح الملك لله , و تلاقي الواحد منهم يقول وينك ياشر اشتر تتعوذ بالله منه 0
التصرف الأول- تفتح باب بيتك تبي تروح تصلّي ولن شي اسود قدّام الباب على الرصيف ماتدري وشو تقرب منه شوي ولنه الله يكرمكم زباله محطوطة قدام الباب هدية اليوم الجديد من الجار العزيز, لاتعلم أي واحد من طيبين الذِكر و تعدي الموضوع وتسكت0
التصرف الثاني- تجيك الشغالة مفزوعة تولول وتقول ( بابا هذا فيه بيض وفيه وسخ ينزل من فوق) سبحان الله هي السماء تمطر بيض وزي ماقالت وسخ, تقوم على شان تشوف ولن المنظر لايسر ترفع راسك الى الأعلى عشان تشوف من وين جا هل بيض وصعب عليك تعرف هو من جارك الى ساكن بالشقة فوق بيتك ولاّ من ألي جدارة بجدارك وتعدّيها وتسكت0
التصرف الثالث – ترجع بالليل تعبان تدور على موقف لسيارتك جنب البيت وعلى ما قالوا أخوانا المصريين( بح مافيش ) الجيران احتلوا الشارع بالكامل حتى ألي قدام بيتك وكان تقول فيك خير تكلم وألّي أحسن لك توقف سيارتك على بعد كيلو من البيت أسترلك وتقضي الليلة بسلام مع أهلك0
يقول المثل (اصبر على جار السوء حتى يرحل أو تجيه داهية وتاخذه )

ليلتكم ســـــــــــــــــــــعيدة