[poet font="Tahoma,13,darkblue,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
خـل الـرمـاح الـقــديـمـة في ضميري تـهــون = لــو أنـهـا صـايـبـةٍ بـالـصــدر مـاصــابــت
لكـن على كثر ما بالصـدر من الطـعـون = فــلا ذبـحــنـي سـوى الـهـقـــوة لــيـا خــابـــت
[/poet]


[poet font="Tahoma,14,black,bold,normal" bkcolor="transparent" bkimage="" border="ridge,10,deeppink" type=2 line=200% align=center use=ex length=0 char="" num="0,black" filter=""]

سلاح الحقيقة ؟

0

هذا أنا في كل مأبي من عيوب = هذا أول عــيوبي كلام الصراحه
الحق أشوفه بعض الاحيان مقلوب = وأشوف في بعض المشاوير راحه
كم لي أدوّر له عـــذر وأغــفر ذنوب = حتى وصل بالذنب حد الوقاحه
هـــنا عرفت أنه مقـــدر ومكتوب = أصـّــلح اللي ماأستطيع بصلاحه
للحق درب وللخطأ عــدة دروب = مثل الكرم والذنب مثل الشفاحه
والكادح اللي بينهم صار مسبوب = الصدق طبعه والحقيقة سلاحه
أصبح وجودة بينهم غير مرغوب = وأن راح عنهم يفرحون بمراحه
أثري وجودة بينهم مرعب قلوب = مزعل بعض والبعض سبة جراحه
الحرف ذنبه ذنب ومصافحه نوب = مثل الفرح وأحيان مثل النياحه
والشاعر اللي مالقوا فيه عذروب = لو حاولوا مايقدرون أجتياحه
يعزف حروف الوجد بعيون محبوب = ويقطف من ورود المحبه وشاحه
غــنى لهم حرفه هجيني ومسحوب = ويجيد في كل البحور السباحه
ولو القصايد بين غالب ومغلوب = مـفــرد لاجــزال القصايد مساحه
0
[/poet]
[poet font="Tahoma,4,darkblue,bold,normal" bkcolor="transparent" bkimage="http://nadawi.net/images/sky5.jpg" border="groove,10,purple" type=2 line=200% align=center use=ex length=0 char="" num="0,black" filter=""]
من يملك الاحساس لا يمكن يخون = ومن خان ؟ لا يمكن ولا يوم يوفي
[/poet]


[poet font="Arial,18,white,normal,normal" bkcolor="purple" bkimage="" border="solid,4,indigo" type=2 line=200% align=center use=ex length=0 char="" num="0,black" filter=""]
يختلج حزني بصدري والنحيب = وأتهــّرب عـنه لاحــزان الشعر
.
بين تخطي هقوتي والا تصيب = عبد مؤمن في قضايه والقدر
.
وكل مؤمن لا أبتلى ماهو غريب = يطلب الله يلهمه قـو الصب
[/poet]
[poet font="Tahoma,14,black,bold,normal" bkcolor="transparent" bkimage="" border="ridge,10,deeppink" type=2 line=200% align=center use=ex length=0 char="" num="0,black" filter=""]

الـمــصــايـــــب ؟
.

أقـتـل اللحـظات في صـبـرً كـبُـر = أنـتـحـل حـالـه ومـّيـل وأنكـسـر
المـصايـب حـطـمـت صـبـرً عـنـيـد = المـصايـب مـثـل سـيـلً وأنـحــدر
المصايب مثل ريحً صرصرً = عاتيه هبت على جـوً وبـر
أحدثت بجبال بـْره تعـّريه = وأظلمت بالجـو وأسـّود النظر
ماصمد قدامها صم الجبال = ولا قدر يصمد لها صلب الحجر
المحيط أهـتز منها وأضـطـرب = هاج موجه وأختلط عمق البحر
من قديم الوقت من عشت الحياه = الجلد طبعي ولا صبري ضجر
لكن الايام مادامت لحـد = والحديد يذوب من وقع الشرر
بأصطبر وأدفع بصبري لايموت = وأقتل أحزاني وأنا كلي كـدر
بقتل اللحظات وأعـطية الامل = خايفً تبقى وصبري ينتحر
تصبر الاحرار والصبر أمحمود = لكن الاحـرار ماتـرضى القـهـر
حكمة الله حـق وآمـّـنا بها = مايـصـيـب العـبـد من حكم القـدر
والمـصايـب حـطـمـت صـبـرً عـنـيـد = المـصايـب مـثـل سـيـلً وأنـحــدر
0
[/poet]


[poet font="Arial,5,black,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
أنتي بعيني سيدة كل هالجيل = ياعـزوتي يارأس مال الكرامه
وبحق من نــّـزل تبارك والانجيل = أنك بقلبي لين يوم القيامه
[/poet]

[poet font="MS Sans Serif,4,white,normal,normal" bkcolor="transparent" bkimage="http://www.arabsgate.com/poems/bgrounds/bg60.jpg" border="double,10,white" type=2 line=200% align=center use=ex length=0 char="" num="0,black" filter=""]

الــى مــتـى ؟!

0

أنا سألتك ياغلا خاطري رد = أن كان باقي للغلا شي ينعاد
.
جتك المشاعر بالوفا مالها عد = وجتك الجروح اللي بفرقاك تزداد
.
أنا النسيم وسيرتك ريحة الند = لاهب عاطر سيرتك طــيـّر أنواد
.
قدمت لك ريح الخزاما ولا سد = وقدمت لك بوح القـصـايـد ولا فاد
.
الى متى هالجـرح لاهان يشتد = مثل الفتيله تنتظر قدحة زناد ؟
.
أموت لعيونك ويذبحني القد = لامن تــثــنى بالغـنج زاد بعـناد
.
أعيش يومي والجفا يسرج الغد = بين الاماني والتوجّــد والابعاد
.
والله أحبك وكان تبغينها بجد = يوم المحبة بيننا يــوم لاعاد
.
عرفت فية الخوف والحزن والسهد = وعرفت فيه اللي يـشـيّـب بالاولاد
.
وكان أشتياقك جـزر ومصافحي مد = لانتي بلا عـبـلـة ولاني بن شــداد

0

[/poet]

[poet font="Arial,5,darkred,bold,normal" bkcolor="transparent" bkimage="1" border="none,4,gray" type=2 line=350% align=center use=ex length=0 char="" num="0,black" filter=""]
2000 وردة ؟!

0

أكثر الليل راح وكل هاجس سرا = أمتلأ الكون صمت وضج صوت السكون
طـاحــت ألـفـيــن ورده بـالـفــؤاد وطــــرا = طـاري الـلـي أوحـشـتــّني لـيـن حــد الجـنـون
والله أن الـــعـــواذل لــــــو بـعـضــهــم درا = وش كـثـر وآحشتـنـي كـــان مـــات مـغـبـون
أيــه أحـبـك وأبـيـك وعـلــى فـكــره تـــرا = فـيـك أبكـتـب قصـيـده لونـهـا بـــدون لـــون
يــــوم جـيـتــي بـعـيـنـك دمـعـتـيـن قــصـــرا = لا دمــوعــك دمــــوع ولا عـيـونــك عــيـــون
كـــل جـــرحٍ نـــزف بـــي لاذكــرتــك بــــرا = وكـــل رمـــحٍ بـصــدري لاطـريـتـي يــهــون
ماأشوفك وأشوفك في عيون البرا = بين همس المشاعر وأحتظار الشجون
لـــلامــــام أتــــراجــّــع وأتــــقـــّـدم ورا = كـــل خـطــوه تـجـيـبـك تـبـعـّـدك يـافـتــون
لا وصــلــت الـثـريــا ولا لـمـســت الــثـــرا = بـيـن هــاذي وهــاذي ضـعـت وســط الظـنـون
ياحبيبي دخيلك يوم جرحي برا = لا تـعـيد المواجع : لا تــثير الطعون
ياحبيبي وأنـــا الـلــي مـانــي نـاقــص زرا = أنــت يـذبـح سـؤالــك وأنـــا مـيــت بـــدون
بــيــن عــقــلٍ يـبـيــع وبــيــن قــلــبٍ شــــرا = والله أنـــي مـاأصــد وفـيــك رمـــشٍ يــمــون
عـــن لـهـيـب المـشـاعـر فـــي عـيـونــك ذرا = عــنـك أبـى أزبـنـك والـلـي زبــن مايـهـون
دام هـالـلـيـل راح وكــــل هــاجــس ســـــرا = وامتلأ الكون صمت وضج صـوت السكـون
0
[/poet]

[poet font="Tahoma,4,darkblue,bold,normal" bkcolor="transparent" bkimage="http://nadawi.net/images/sky5.jpg" border="groove,10,purple" type=2 line=200% align=center use=ex length=0 char="" num="0,black" filter=""]
أكتبيني عــز بحـروف القصيد = وأرفعي رأسـكِ وقـولي مـن أنـا
[/poet]

[poet font="Simplified Arabic,6,black,normal,normal" bkcolor="transparent" bkimage="backgrounds/13.gif" border="none,4,gray" type=2 line=200% align=center use=ex length=0 char="" num="0,black" filter=""]
بين حيرة ملامح تدعي بالطهور = سـوّد الله وجـهٍ مايعـرف الطـهـر
[/poet]
[poet font="MS Sans Serif,4,white,normal,normal" bkcolor="transparent" bkimage="http://www.arabsgate.com/poems/bgrounds/bg60.jpg" border="double,10,white" type=2 line=200% align=center use=ex length=0 char="" num="0,black" filter=""]
لـفـني مـثـل الـظـلام الـدامـس الـمـظـلـم نهار=أتـَـلــّـفـت ودي أمـشـي وألـتـفـت ماشـوف شـيء
[/poet]
[poet font="Simplified Arabic,5,black,bold,normal" bkcolor="transparent" bkimage="backgrounds/23.gif" border="none,4,gray" type=2 line=200% align=center use=ex length=0 char="" num="0,black" filter=""]
.
يقولون عند المواجه عيون الرجال حـراب = وأنا عشقي لنظراتن يشرفني مشاهدها
.
أجي كلي لها عاشق وأدوّر للقبال أسباب= على وقفة وفا صادق وعلى الموقف معاهدها
.
وأذا هابوا لقاء الموقف أجي له صاملاً ماهاب = شجاعً وأمشي الخطوة من أدناها الى أبعدها

0

مـنـصـور الــرويلـي

20 / رمـضـان 1426
[/poet]