جرب النهارده و بكره بس!!

حديث قدسي

(يا ابن آدم انك ما دعوتني و رجوتني

غفرت لك على ما كان منك و لا أبالي

يا ابن آدم لو بلغت ذنوبك عنان االسماء

ثم إستغفرتني غفرت لك و لا أبالي

يا ابن آدم انك لو آتيتني بقراب الارض خطايا

ثم لقيتني لا تشرك بي شيئا

لأتيتك بقرابها مغفره)

وقال ربكم ادعوني أستجب لكم إن الذين يستكبرون عن عبادتي سيدخلون جهنم داخرين
( سوره غافر آيه رقم 60 )

(وإذا سألك عبادي عني فإني قريب

أجيب دعوة الداع إذا دعان فليستجيبوا لي وليؤمنوا بي لعلهم يرشدون )
( سوره البقره آيه رقم 186 )

عن رسول الله "صلى الله عليه وسلم" قال :

( من قال استغفر الله العظيم الذي لا إله إلا هو الحي القيوم و أتوب إليه

غفر الله له و ان كان فرَّ من الزحف ) اخرجه ابو داوود و الترمذي و الحاكم


و قال "صلى الله عليه وسلم" أيضا :

( من قال سبحان الله و بحمده في يوم مائه مره حطت خطاياه

و لو كانت مثل زبد البحر ) رواه البخاري


و قال "صلى الله عليه وسلم" في فضل التسبيح :

( أيعجز احدكم ان يكسب كل يوم ألف حسنه؟ فساله سائل كيف يكسب حدنا ألف حسنه

قال يسبح مائه تسبيحه فيكتب له ألف حسنه او يحط عنه ألف خطيئه ) رواه مسلم

و أيضا رسول الله "صلى الله عليه وسلم" قال :

( لا إله الا الله وحده لا شريك له , له الملك و له الحمد و هو على كل شيء قدير

من قالها مائه مره في يوم كانت له عدل عشر رقاب و كتب له مائه حسنه

و محيت عنه مائه سيئه و كانت له حرزا من الشيطان يومه ذلك حتي يمسي

و لم يأت أحد بافضل مما جاء به إلا أحدا عمل اكثر من ذلك ) البخاري و مسلم

ها إيه رأيكم؟؟؟

عايزين تدخلو الجنه ؟؟؟

و لا لما ربنا يسهل و نكبر هنروح الحج و نرجع زي ما ولدتنا امنا

ها؟؟؟
انت عارف انك هتروح الحج؟؟ و لا لأ؟

و لا انت أساسا عارف انك هتعيش لغايه ما تكبر؟؟؟

طب لو ربنا كتب لك الحج...؟؟؟

ترى هل يتقبل منك و لا لأ؟ لا رفث و لا فسوق و لا جدال في الحج!!

عارف يعني ايه!!

يعني انت ممكن تتخنق من كوبايه شاي ينقص منك الحج شويه!!

طيب...

و لا انت هتعمل خير كتير علشان يكون بعد مماتك شاهد ليك؟؟؟

و انت إيه اللي عرفك؟؟

ممكن بعد ماتموت يحصل حاجه توقف الخير الجاري اللي انت عملتو!

ممكن يحصل اي حاجه

طب ما تيجي نستغفر على كل اللى فات

بسيطه جدا..

اقرا اذكار الصباح و المساء

فيها كل اللي موجود فوق ده...

مبتخدش مني اذكار الصباح و المساء حاجه

تلت ساعه و انا رايح الشغل الصبح...

ممكن اقل لو انا مستعجل

نسيت تقرأ اذكار الصباح ... طب في نص اليوم

" إستغفر الله العظيم الذي لا إله الا هو الحي القيوم و اتوب إليه ( مره )

سبحان الله و بحمده ( 100 مره )

لا إله الا وحده لا شريك له, له الملك و له الحمد و هو على كل شيء قدير ( 100 مره ) "

في الأوله هتغفر لك ذنوبك و لو كانت مهووووله

و التانيه هيكتب لك 1000 حسنه او تغفر لك 1000 خطيئه

و التالته كتبت له 100 حسنه و غفرت له 100 خطيئه

انت بتغلط في اليوم كام مره؟؟

عدتهم؟؟؟؟

انت شتمت ده بغرض الهزار <<<< آدي سيئه

و انتي جبتي في سيره ده من وراه او من وراها >>>> آدي سيئه تانيه

بعدين إتأفأفت من امك لو قالت لك عايز حاجه <<<< أكيد اكتر من سيئه

شخطتي في أمك لو قالت لك اغسلي المواعين! <<<< متعديش من سيئات

بعدين شفت بنت حلوه في الشارع <<<< كمان سيئه

فتحت التليفزيون قناه ميلودي مثلا <<<<<<<< يا لهوي!! ملايين السيئات!

ده احنا لسه بنقول يا هادي!!

مش لابسه الحجاب <<<<< كل واحد بيبص ليكي بتاخدي سيئه!

حاطه أحمر شفايف و عيونك مضبطاهم كده و كده <<<< كل واحد بيبص عليكي بتاخدي سيئه

شربت كام سيجاره؟؟ <<<< كل نفس عليه سيئه

شربت حجر معسل؟؟ <<<< كل نفس عليه سيئه

شتمت أم حد؟؟؟ حتى و لو بدافع الهزار!! <<< قابل كم السيئات

طب سبيت الدين؟؟؟؟ <<<< بيقولو الفتاوي انك كفرت!!

نمت و ابوك غضبان عليك! <<<< قول لعنات من الملائكه على كيفيك

ايه؟؟؟

لقيت نفسك بتعمل حاجات كتير؟

تعال نقول مع بعض

استغفر الله العظيم الذي لا إله إلا هو الحي القيوم و اتوب اليه

سبحان الله العظيم و أتوب إليه

لا إله إلا الله وحده لا شريك له , له الملك و له الحمد و هو على كل شيء قدير

حاسه انك لسه متغفرتش خطاياكي؟؟

اقولك اختميها بسيد الإستغفار

( اللهم خلقتني و انا عبدك... و انا على عهدك ووعدك ما أستطعت

أبوء لك بنعمتك عليّ ... و أبوء بذنبي فأغفر لي..انه لا يغفر الذنوب إلا انت )

لسه حاسس ان ربنا ماتابش عليك

قوم صاللي ركعتين لله كده مش لحاجه انوي انهم للإستغفار

و انت بتركع قول سيد الإستغفار .. و تباكي!!

ايوه تباكي... لو مش عارف تعيط ..اعمل نفسك معيط

بتنفع و الله... اعمل نفسك معيط مره..و اعمل نفسك معيط التانيه

و التالته هتقرب على عياط بس مش جامد... الرابعه ممكن تبكي بجد

ده حقيقه!

عايز تجربها... اقف قدام المرايه و إعمل نفسك بتضحك ... و اعمل نفسك

بتضحك جامد .... هتلاقي نفسك ضحكت بجد!!!

و احسن ما يكون العبد عند الله ذلولا يريد مغفرته..

إتذلل له ... انت عبده!

ده هو اللي خلقك... خايف لحد يشوفك اقفل الاوطه بالترباس و اتذلل له

ربنا هيشوفك ... المره ده خايف لحد يسمعك و يقول بيعمل ايه ده جوا

المره اللي جايه هتعمليها و انتي متأكده ان في حد سامعك بس انت عايزه تعمليها

المره اللي بعدها هتعمليها و انت فاتحه باب الاوطه...

هيشوفوكي بتعيطي قدام ربنا.. خايفه من ذنوبك

خايفه لحسن يكون ميتوبش عليكي

بعد كل ده...

أكاد أقسم بربي خالق الأرض و السماء انه هيغفر لك...

ها؟؟

هتعمل ايه؟

ذنوبك كتير؟؟؟

عصيت كتير؟؟؟

خالفت الدين كتير؟؟؟

لسه مجاش الوقت انك تغفر شويه من ذنوبك!

تلات جمل... لو قلتهم كل يوم هتغفر لك ذنوبك

لاء و دول كمان هيمنعوك من انك تعمل معاصي

بس انت جرب...

جرب النهارده و بكره.. مش عايز اكتر من كده

ياااه بقى ده لو انت بتقرأ اذكار الصباح و المساء

بعيد قريت التلات جمل و سيد الإستغفار في نص اليوم

عملت كده.. يبقى انت في الجنه مش انا اللي بقول

ده السنه و القرآن هم اللي بيقولو...

طبعا كل حرف في القرآن بحسنه ( و الحسنه بعشره )

ده حاجه ترجعلك بقى.. ( او ده موضوع تاني )

تعال بقى نقولها مع بعض

( أستغفر الله العظيم الحيّ القيوم الذي لا إله إلا هو و أتوب إليك ( مره )

سبحان الله و بحمده 100 مره

لا إله الا الله وحده لا شريك له .. له الملك و له الحمد و هو على كل شيء قدير 100 مره

اللهم خلقتني و انا عبدك و انا على عهدك ووعدك ما استطعت ابوء لك بنعمتك عليّ

و أبوء بذنبي فاغفر لي إنه لا يغفر الذنوب إلا أنت ... )

سهله!!؟

جربها النهارده و بكره بس

بعدين تعالي قوليلي رايك ايه.. اوكيه؟؟

و الصلاه و السلام على خير خلق الله محمد "صلى الله عليه وسلم" و آله و أصحابه اجمعين