يامزون التّساؤل شرّقي للحبيب =فوق جِيّانه ابْلي واسألي وش بلاه؟
قولي النبره اللي زادت المستصيب =والتجاهل جرحني يوم جيت لرضاه
واذكري ظرفي اللي شبّ قسوه لهيب =عن محاكاه حدّن واحْرمن من لماه
وافْصحي وش بقلبي من غرامٍ مهِيب =لو تركني فلا والله انادي سِوااااه
نازلْ هناك دمعي من سكوتك صبيب =تبكي الوِدّ لايبكي بعينك سناه
تدري بلحظة الفرقا وش اللي تجيب =كلّ حزنٍ وبؤْسٍ يكتسيني ضناه
نوف ماهي بيدّي نوف ظرفي عصيب =افهميها فديتك قدّري محتواه
مير خلّي فبالك لك ودادٍ عجيب =وشْم في لبّ قلبي لين يوم الفناه
واعرفي مانبدّلْك فبعيد وقريب =انتي الكون عندي وانتي ارض وسماه
وآآآآخر النزف كلمه لك هداه العطيب =الف لا لا ولا لا مالغيرك هواه