آه من طعنه وونة جات من ريم القفار=آه ياعمرٍ نزفته شوق يملا المحبرة
قمت أهوجن به على أغصان الهوى نور ونار =وانظمه بيت القصيده وانثره في خاطره
كان حبيتي المعنَّا فارحمي طول انتظار =أفصحي عن نبض قلبك فالمدامع مقفرة
لاتلاعبي فديتك كان يكفيني انكسار=قاضي العشاق دون جلستي في محظرة
إدعي وألا أدعي والبينة شمس النهار =والتوجد وآهته كحل اليعون الساهرة
الموادع حط في قلبي مع الفرقا شرار =كل ماهبت رياح الشوق يلهب مجمره
مادرى أني لوتنهدته وواصلت الزفار =ينحني ضلعي على قلبي ويغمس خنجره
ليش تنكرني وتسعى في متاهات الدمار =أرحم اللي جاك يعثر بالقلم والمسطره
بايع مافات من حظه على درب القطار =ألحق الرحلة فماقد فات يكفي تخسره
أنت عاقل تعرف اللي يقصده صقر حرار =شافق من حر كبده لايجيكم معسره
العوض راسي وأنا ساسي على عمق البحار =مايضيقني كلام ينطلق في زمجره
المشاعر صادقه والصدق للمومن شعار =يرفعه بين الخلايق مقدره عن مقدره
طاب ليلي يوم صبحك فيه يلعب بي قمار =كل سهم تكسبه مير أن سهمي تخسره
كنّ حظي علقه جنّى على هب العصار =من قدر يلقاه يخبرني ويكسب قنطره
ياحسافة ياجميلة وين ميثاق القرار =هات أوقع به وأشهّد به لعين تنظره
احتريتك وانتظرتك ربما تثني فرار =ياجناح حاذر الخفقه بشوق يكسره
ضمني ضمة ضني عاشق دافي الدثار =وأنظم أحروفي بَراد الماء يبلل محجرة
قلت تفداك المودة بين دار وبين غار =وقلت تفداك ألف روح تعتلج في حنجرة
أنت سلوة خاطر والشوق هايج في المدار =بين ماتهوى وماتنظر بعينٍ تحقره
أختم أبحبك وحبك موقد يشعل بنار =بين كر وبين فرٍ يعجزك عن سيطرة