كان هناك في قديم الزمان رجل شاب مع امه بالبر
وعندهم الأبل والغنم يرعونها وياكلون ويشربون منها
وكانت الأم تحب ولدها مررررررررررره وكل ماشافته قالت له :
تصدق ياوليدي أني أحبك حب عظيم
والله ياوليدي لو يجي الموت اني لا اتركه يأخذني انا ويترك تعيش انت
طلع مرة من المرات الرجل يصيد وصاد له أرنب
وسلخ الارنب وهو حي وجابه للبيت
يوم شافته أمه خافت وقالت وش ذا ياوليدي
قال ابد ياميمتي هذا الموت
قالت : المووووووووووووت
قال : ايه الموت .. جاني وأنا في البر اصيد يبي يأخذني فطلبت منه انه يحضر معي للبيت
وقلت له : أن أمي دائما تقول لو يجي الموت يبي ياخذك خليته ياخذني بدالك
قلت له تعال خذ امي بدلاي حسب طلبك يمه
قام الولد وربطه بطرف البيت وبدت الأم تناظرهميتة من الخوف
وكل ماتحرك الأرنب فزت و شهقت وقالت بسم الله على
لا بارك الله بهالولد
وبعد حين قال الولد يمه بروح أحلب الناقة
قالت رح ياوليدي
راح الولد يم الناقة وجلس يحلب وهو يتسمع أمه وش تقول
الأم تناظرفي الارنب المسلوخ من بعيد ماتقدر تقرب تخاف ياخذها وتقوله :
يالموت عليك بحلاب الناقة . وهي تأشر على ولدها
رجع الولد وهو ميت من الضحك وقام حب راس أمه وذبح هالارنب وعلمها بالسالفة
قالت : تصدق عاد ياوليدي اني كنت جالسة استعد للموت بس أهم شي انه ماياخذك
^
^
^
---> يتبع
الإهداءات
18-02-2006, 06:17
الله يحفظك يارب 
العرض العادي
