يوم في حياة عضو ..الحلقة الأول مع العبقري محمد بن راشد - الصفحة 3

بائعة الريحان · 22-02-2006, 12:27

وااااااااااو
خوالي اش هالمفاجاه
بصراحه مادام فيها محمد بن راشد
فان الجمال يابى الا ان يفرض نفسه
ننتظرك بكل شوق وشغف لمعرفه من انت ؟
وماتحمله بداخلك ايها الراقي ..
تحياتي لكما .. ودمتم بود ..

محمّد بن راشد · 22-02-2006, 03:46

.. 乂 ..
خوالي و الجميع
.. 乂 ..

بما إن الموضوع في أطياف الوناسة ..
فـ خلوني أبتعد عن كلام النحو .. و الكرام المصفصف ..
و أتكلم بـ اللهجة اليومية اللي اتكلم فيها ..!

طبعاً بما إني موظف فـ يومي ممكن تكون معالمه معروفة ..
و مافيها أي جديد ..

الساعة 7 الصباح موعد الدوام ..
عشان كذا .. لازم الساعة 6:20 يبدا ازعاج المنبه حق جوالي ..
و أحياناً الساعة اللي عندي راسي ..

و طبعاً بعد جهد جهيد أصحى لـ الدوام .. و غالباً ما أصحى بعد ما ترن الساعة ..
بـ فترة طويلة .. يعني على الوقت .. تقريباً 6:40 دقيقة ..
المهم اني اصحى .. و زين مني أصحى ..

أول شي أسويه أول ما أصحى ..
لا شعورياً الإتجاه إلى مطبخي الخاص و عمل كوب الكافي الصباحي ..
و أحياناً تجي في راسي شاي حليب ..
طبعاً مطبخي الخاص أقصد فيه :

و بما إنك طريتي الأكواب و ما أكواب ..
أنا لي كوب دائماً استخدمه و أحب أشرب فيه مع إنه عادي جداً ..
يمكن لـ أني أحب صاحب الصورة ..؟!

هذا طبعاً لـ المشروبات الساخنة فقط .. لكن عندي كوب لـ المشروبات الباردة ..
و أحياناً أحياناً أستخدمه لـ مشروبات ساخنة :

نرجع لـ اليوم حقي ..
بعد عمل الكوفي و أخواته ..
سريع سريع لـ دورة المياة الله يعزكم ..
عشان غسل الوجه و اللزي منه ..
و قبل ما أستعد و ألبس ملابس العمل ( لازم بدلة الثياب ممنوعة )

..
أروح أحمّي السيارة عشان أستغل الوقت ..
طبعاً أنا سيارتي تويوتا كامري .. و بـ التحديد :

بعد كذا .. لازم أشيل هم الزحمة ..
اقصد زحمة السيارات و باصات المدارس .. اللي بدونهم ..
اوصل لـ الدوام في 10 دقايق بـ التمام .. و مع الزحمة ..
توصل أحياناً لـ 20 دقيقة ..
و في الطريق .. لازم أشغل الرادو على إمارات FM ..
الإذاعة ذي أنا أقدرها و احبها كثير .. و أحب أهلها ..
و أحب حتى المكان اللي يبثون منه ..

لكن لو حصل و مالقيت فيها شي زين ..
أحوّل على المسجل .. أو المسجلين ..؟!
عاد أنا و السيديات ربع .. و لازم يكون كل شي high Q. ..
و السماعات على مستوى و ايمبلي فاير .. و زحمة في السيارة ..
اي عندي مسجلين في السيارة واحد لـ السيديات و الـ Mp3 و الثاني لـ الكاسيت ..
لكن نادراً ما أستخدمه ..

دوامي يبدأ 7 الصباح ..
و ينتهي الساعة 3:30 المسا ..
و هاتك يا كرررف ..
فعلاً أرامكو عندها مغريات و حوافز ..
لكنهم يمصون دمك كرف و شغل ..
و كأن الزيت بـ يوقف لو خففوا علينا الحمل شوي

..

المهم .. ما علينا ..
خلال وقت العمل و الكرف و الجهد ..
لابد من سندويشة على السريع من الكافتيريا اللي موجودة عندنا ..
و بعد كم كوب شاي او حليب شاي و أحياناً كوفي خلال الدوام ..
تقريباً 3 أو 4 .. و الأكيد يصاحبهم الـ :

بعد الساعة 3:30 المسا و بعد ما يكون حيلي مهدود ..
يالله أوصل البيت .. و انا في كامل تعبي و حالة الارهاق ..
أدخل البيت و أجلس مع الوالد و الوالدة - اللهم يطول بـ عمرهم - ..
أحياناً أتغدى معهم و أحياناً أكون متغدي .. و أحياناً اكون تعبان ..
و مالي نفس ..
لكن أحب أساعد الوالدة في المطبخ ..
من غسيل مواعين و تنظيف الطاولة بعد الغدا .. و و ..
و أحياناً أساعد في الطبخ أو أطبخ حتى

..
<<< رجل بيت إنما إيه

!!

بعد كذا ..
أرجع لـ غرفتي أو ( الملحق ) اللي أنا أجلس فيه و أنام فيه ..
و أقضي فيه كل أوقاتي و نااادراً جداً أطلع منه ..
أفتح التلفزيون .. و على قنوات الـ showtime أو الـ A.R.T ..
لـ أني إنسان أقدر الأفلام الأجنبية بـ شكل فظيع و المسلسلات الكوميدية الأجنبية ..
و أتابع الأفلام العربية بعد - مع فاااارق الاختلاف - ..

و فيه بعد DVD Player عشان الأفلام الأجنبية ..
و فيه مجموعة أفلام عندي .. ممكن تشوفونها من خلال الصورة الماضية ..
و لو حصل و إني حبيت أغير ..
اقوم أشبك النت شوي .. و أشيّك سريع سريع ..
طبعاً أكيد فيه نت في الدوام لكن لأن كل شي Blocked ..
و خصوصاً المنتديات و برامج التشات و غيرها ..
فـ لازم أدخل من البيت شوي أشيّك خصوصاً إن كنت منزل حاجة جديدة ..
أو رد معين حاب ارده او أشوفه او او او ..
عن طريق اللاب توب :

بعد ما أخلص من النت او التلفزيون ..
أكون وقتها خلااااص انتهيت ..
فـ آخذ لي غفوة .. و متى ما قمت قمت ..
يا إني أقوم بـ الليل متأخر و أداوم مواصل ..
أو إني أصحى على ازعاجات بعض الناس سواءاً اتصالات او مسجات ..
و في بعض الأحيان يجيني مسج :

و غالباً يكون ردي :

قداش يعني قدام ترى ..

بعد كذا .. أرجع لـ الصومعة حقتي ..
يكون وقتها صارت الساعة بعد نص الليل ..
يعني متأخر شوي ..
يا إني أدخل النت و هذا أغلب الظن ..
او أرجع لـ التلفزيون و أتابع فلم معين ..
و اذا مرة مرة مرة مالقيت شي ..
ارجع أدخل النت و أخلص كم شغلة ..
و ساعتها ..
يا إني أنام متأخر و أصحى بعدها بـ ساعات معدودة ..
او إني أروح لـ الدوام مواصل .. و هذي تصير نادراً ..
و هذي الصورة الأخيرة .. جزء من غرفتي ..
و هذا علم كبير في غرفتي لـ النادي المفضل حقي ..
A.C. Milan .. و جنبه صور لـ لاعبي الفريق ..

طبعاً هذا جزء من الغرفة

..
في اجزاء ما ينفع تطلع هنا

..

وبس ..
بـ كذا ينتهي يومي !!!

.. 乂 ..
خوالي و الجميع
.. 乂 ..

شكراً لـ استضافتك يا خوالي ..
و شكراً لـ كل من انتظر يومي ..
و أتمنى إني ما أكون صدمت الجميع ..
بـ يومياتي الغير روتينية !!!

و أتمنى إني أكون وفقت في تقديم المطلوب مني ..
على أكمل وجه !!

أمــيرة الكـون · 22-02-2006, 03:54

السلام عليكم ورحمة الله وبركاته
ღღ صباح الورد ღღ
محمد حمستني أقول يومياتي
بس زوجي بيشحطني من البيت لو صورت أركان بيتي
بس الاكيد بتصير قريب
بجد يومك راااااائع عملي جداً
بس ليه تدخن إنت ماتدري إن التدخين يجيب القولون ؟

الله يحفظك يارب

اشهاد · 22-02-2006, 02:52

.
.
محمد بن راشد
أستمتعت كثير بيومك
كأنني عشت معاك من // خلال الصور طبعاً //

ياعيني عالــ ميلاني

.
.
تحيتي الوردية لك

خــوخـه · 22-02-2006, 03:54

محمد بن راشد

ألف شكر لك لقبولك دعوتي

يوميات أكثر من رائعة

استمتعنا معك من خلالها

لا تنسى تجاوب على سؤال أميرة الكون

أنا ما قلت شي اميرة هي اللي قالت

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

يتصفح الموضوع حالياً : 1 (0 عضو و 1 ضيف)

الأتصال بنا \| الأرشيف \| الأعلى
	Powered by vBulletin® Copyright ©2000 - 2007, Jelsoft Enterprises Ltd. Search Engine Optimization