سكوتك يزعج العالم . . و إزعاجـِك حنيّنْ حيل= دخيلك لا ترقّ أكثر .. أخافك .. تذبح الرقّـه
أحطك في وسط قلبي . . تشيل / تحط / وأحِطْ و تشيل= و لا من شلته بكبره .... فداك بجلّه و دقّـه
فداك عيوني الشهلا .. فداك الدمع و المنديل= فداك القلب و جروحه .. تخيط الجرح و تشقّه
حبيبي وش كثر ودّي على حضنك أذوق الويل= وأحضانك لفت غيري .. حبيبي صرت من حقّه
حبيبي يا عسى خلّك .. يضوّي لك عتم هالليل= يحبك كثر ما أحبك .. يبدّد عنّك الشَـقّـه ؟
حبيبي خلني أرتاح .. أمانه يا شبيه سهيل=و قول انّك خلاص بخير .. و بابك وَعْد ما ادقّه
وانا مابي أبد قربك حبيبي .. لو عيوني تسيل= مدام إنّك خلاص ارتحت .. خلّ الماضي انعقّه