[poet font="Arial,5,black,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]

جـمــر الـشــفــايــف ؟

.

أول الموعد مساء الخير ومعانق ولايف = أبتدى موعد القمراء زلال وشاعريه
سيرت فيه السوالف على جمر الشفايف = وعن للسامر تخافيق طار وسامريه
قبل هاذي مالغيرك ولا ذرة حسايف = وبعد هاذي مابقى شف وأنت الجاذبيه
كيف أوصّـف وأنت الاوصاف يازين الاوصايف = ليه أوصّـف وأنت ناعم وصاخب نرجسيه
الـ .. عـيـونك ياعيون أشقرً هام النوايف = الطعون اللي بخفاقي من أرماحك هــديه
والجروح اللي ليا غبت لغيابك خلايف = ماهي أجروح أعتبرها بعض حقك عليه
شف أطعونك زرق وشلون لو مانت رايف = ياثقل فرقاك وأنت لعذابك قابليه
لاتظن أن اللي ببالي مقابل للكلايف = ولا تفكر قبل أجي لك مبيتها بنيه
ماحصل ماكان قصدي وأنا ماني بعايف = العطا اللي لاعطيته يبادلك العطيه
أدري أني ماعذرتك وأنا للوضع شايف = وتدري أنك لو تعذرت ماهي مقدريه
بيننا يانابي الصدر ظن الشك زايف = من كثر ماأغليك عاتبتك بليا خطيه
العتب غير العتب ذاك بعتاب الولايف = يختلف لو كان الاسباب هاذي مثل ذيه
سِمْح الله درب خلن على الصعب أيتهايف = يكسر ظروفه ولا ينكسر خاطر خويه

0

[/poet]