[/poet][poet font="MS Sans Serif,4,blue,normal,normal" bkcolor="transparent" bkimage="backgrounds/11.gif" border="solid,4,gray" type=2 line=200% align=center use=ex length=0 char="" num="0,black" filter=""]

خل ربي بس يكتب لي سلامه = وأدري اني طبت من ذيك الجروح
وأوعدك ماتشوف ذيك الابتسامه = أوعـدك لاغيب عن عينك واروح
والله الا تشوف من يصدق كلامه = ومن يفـرق بين جْـده والمزوح
القمر ستر السما بدد ظلامه = لو تبوح السر والا ماتبوح
يحفظ الميثاق من عنده شهامه = لا يسب ولا يـنم ولا يــنـوح
أنجلى عن ناظري مثل الغمامه = مابقى لي بالبشر قلبً نصوح
كل خاين تكشفه بصمة أبهامه = وكل وافي يعشق أسلوب الوضوح
لعنبو رجال ماعنده كرامه = لعنبو رجال ماعنده طموح
ماتـسـّيـد للـمـقــّـفي في غرامه = لو غـبني صدة الخل السموح
والغلا اللي صار ملحه من يدامه = ماكفاني سكر الملح الشحوح
لا يغرك بالحكي كثر اهتمامه = الشدايد بالزمن تبغى نطوح
وبالنهايه لا تلحقني ملامه = مافزع بالمعركه رجلً شفوح
[/poet]

*
*