يسعد مسااكم بكل خير
اليكم متواضعتي واتمنى ان تحوز على رضاكم
ولا تحتااج في نظري الى مقدمة
فهي تتكلم عن نفسها


[poet font="Simplified Arabic,4,deeppink,normal,normal" bkcolor="transparent" bkimage="backgrounds/11.gif" border="inset,4,deeppink" type=2 line=200% align=center use=ex length=0 char="" num="0,black" filter=""]


السفينه مبحره والموج عالي = والموانيء عن سفينتنا بعيده

دق ناقوس الخطر وارتج بالي = ومن يبغى صيد البحر خوفي يصيده

اتذكر واتذكر وين غالي = كانت ايامي معك حلوه سعيده

فيك اقول الشعر ويحلالي مقالي = وفيك يزهى كل معنى بالقصيده

كنت نوري لاظلمت سود الليالي = والمشاعر دون شوفتكم بليده

يسعدك؟ اسرح واهوجس في خيالي = ودمع عيني لانقص همي يزيده

لو طرالك غيرنا تر ماطرالي = انت من اهواه في قلبي واريده

والله ان الناس ترثي دوم حالي = وانتظر عل وعسى يوصل بريده

كل نبضه بخافقي تسأل سؤالي = صابره والنفس صبرك وش يفيده ؟

قلت يابحر العنا طال احتمالي = مابقا لي من السفينه مايعيده

غير دفه وقطعة شراع وحبالي = ومركبٍ قديم واخشابه جريده


[/poet]

مشكاااة