(صدفه بلا موعد)

صدفه على ذاك الطريق إلتقينا= صدفه بلا موعد ولاصوت جوال
أنظر لجسم كنّه الياسمينا= ومن وين ماهب الهوى بالغصن مال
ومنطوقها يشفي جروح السنينا= وملبوسها ضافي على كل الأحوال
وريح الخزاما وسط كف اليمينا= والعود والعنبر على صدرها سال
والعنق عنق الضبي والصدر مينا= والنجل فيها الموت وأهدابها اضلال
قلت ارحمينا قالت احنا بدينا= ياشين روّح في طريقك بلا اهبال
ماباقيّ إلاّ إنت تلعب علينا= صويبنا يصبح ويمسي على الجال
أنا اشهدإنّا بالصغار ابتلينا= ابلش بهم ياشوق لعطيتهم بال
شوق أختها وأنا الصغير الحزينا= بقبل كلام أمزيّن الخد بالخال
اللي إلا منه ابتسم ماقوينا= على الصبر والكل قد جر موال
ومهما يقول احنا بقوله رضينا= غصب علينا نتبع الضل لامال
والله يلوم اللي لنا لايمينا= ويعين قلب صار للهم مدهال