[poet font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
هذه قصيده نظمها الشاعر/عبدالله فرج الشمري
قبل 50عاما تقريباعندماكان يعمل في شركة
الزيت (ارامكو)وهي عبارة عن قاموس
لغوي انجليزي لمساعدة الموظفين الجدد
الذين يلتحقون بالشركه والذين كانوا (اميين )
حتى بالعربيه , وقد كان لها دورا كبير
في سرعة تعلم اللغه الانجليزيه عند بعضهم,,
آمل ان تنال اعجابكم ,,,, والى القصيده

المتريح اللي ماسعى بالسبيلنق = وشاف ميري وذ جاني وسوزان
بديار حيه ماعرف جيم وفرنق = متريح ماعذبه ديفد وجان
ولاراح يشكي الحال عند الهوى سنق = يقول مي روم بهاالليت خربان
ولاقال حط الهوك من شان هنقنق = وصلح درايش غرفتي واضبط الفان
ويصبحك يقول لك قود مورنق = ويمسي بقودنايت بالليل يافلان
وتعال كم هير وروح قوينق = آيم كانت ماأقدر واقدر ايم كان
ويسمي الاشغال ووركن ودوونق = ويقول انا ليزي اليا صار كسلان
ويبدل اسم الشي بقولتن ثنق = ويقول بوي للولد والرجل مان
ويقول لآفمه ماوث ولسانه التانق = والخشم سمي نوز والتيث الاسنان
حتى جناح الطير بلسانهم وونق = واسم آنمل يطلق على كل حيوان
والصح قالو رايت والا الغلط رونق = ومحل فوق اوفر وقولن تحت دان
والقصر شورت وسمي الطول باللونق = ويقول شيب يبغي يسمي الضان
واليا استمر الهرج سموه توكنق = ويقول آيم سوري اليا صار غلطان
والمشتري اسمه باي والبيع سيلنق = شيب رخيص وفاليو غال الاثمان
واصبح يغيير قولتن جيب ببرنق = ويحط كلمة وآز عن قولتن كان
واسم الكلام سبيك واما الغناء سنق = سوالف ماتليق في عقل الانسان
ألسن مافاختها الذي كون الخلق = وأي لغة بلسان أهلها لها شان

وسلامتكم وسلامة الشاعر
ونرجو من الأخوة والاخوات مما لديه
قصيده مماثله ان يشارك بها لنتعلم معا
ونبرز دور شعرنا النبطي بتعليم اللغات

وتقبلوا خالص تحيات اخوكم اجا1980

[/poet]