السلام عليكم ورحمة الله وبركاته



شو اخباركم يا خواتي طبعا انا لاول مره اكتب بهالقسم وبغيت اكتب لكم مشكله صارت لي من فتره ويا صديقتي ام سالم الله يهديها عشان الكل يتعظ وخاصة المعرسات اللي لسانهم طويل ويبالهم قص..


قصتي صارت من فتره لي صديقه وايد اعزها وهي طيبه بس على نياتها وهي عرست قبلي وفي ايام الملجه كنت اظهر وياها عشان اجهز اغراضها يعني يوميا مع بعض يا نرمس بالتلفون او بالطلعات وكل ما يتصل فيها ريلها اكون انا معاها بالخط او بالسوق او عند الخياط عاااااااااااد الريال انقهر مني وسمعته يقولها حشا هب ربيعه هاي دومها لاصقه فيج ما عندها ريل ردت عليه وقالت لا اذا عندك حد هاتي تراها كذا وكذا وكذا تمت تمدحني جدامه..

المهم ربيعتي عرست وراحت شهر عسا وانشغلت بطويل العمر بس مع انشاغلها كانت ترمسني بين فتره وفتره واحيانا ارمسها بالماسنجر من دوامها واحيانا من البيت ...



الحين بداية القصه اقروا عدل ..



ووفي مره من مرات كنت ارمسها عن موضوع صار معاها ومع ريلها سوء تفاهم بالماسنجر يعني كنت انصحها انها تاخذ الامور برويه هالاشياء البسيطه اتصير في اول الايام قالها منو وياج قالت له فلانه ...عصب وقالها هاي حتى اهني اعوذ بالله قالت له حرام عليك وهاي كذا وكذا وكذا ردت للمره ثانيه تمدحني جدامه وشوف وحليلها شو كاتبه حرام عليك تبا تصلح من بينا (طبعا انا خلال الوقت كنت مالجه وهي ماخبرته لانها كانت مشغوله بترتيبات البيت )

المهم بو الشباب خذ ايميلي من عندها وتم يراسني على الايميل كل رساله مره فيها وصف لي بانه يعرفني ويعرف كل شي....
وانا دوم اقولها فلانه في واحد يرسل ايميل ويقولي اشياء تخصني اخاف لا يكون ريلي يبا يشوفني برد على الرسايل ولا (وحليله ريلي دومي ظالمتنه)

المهم قرب عرسي وانشغلت عن صديقتي بالتجهيزات فسالها وين صديقتج ما اشوفها تكلمج اذا زعلانه منج بنراضيها والخبله قالت له لا هي مشغوله بعرسها وغيض عليها وقال ليش ما قلتيلي ومن متى المهم زعل منها ريلها واتصلت تخبرني بلي صار وياها ...سبحان الله وهي ترمسني فتحت الايميل وكان مطرش لي رساله يعاتبني اني تزوجت وما خبرته وانها عرف الخبر من العصفوره ..



عرفت انه الريال ...وخفت اخبر ربيعتي واخسرها وخفت اخبر ريلي بيقولي اقطعيها ولا ترمسينها ...

انزين شو الحل


اولا كنسلت الايميل..
ثانيا كانت اتصالاتي بصديقتي متقطعه مرتين بلاسبوع ...

وكلمة اخيره..


لا تمدحين صديقتج جدام ريلج ولا حتى تقولين وحليلها ربيعتيه ما عرست ما عندك حد من ربعك يبا يعرس تحملوا تغلطون هالغلطه تراكم بتندمون والحين موضه الوحده يوم تبا تعرس ما تلقى جدامها الا ريل صديقتها



هوا الدار ...