السلام عليكم وصباح الليل للجميع في كل وقت
هذاك اليوم كاشت أنا والوالد للصمان والله ونجلس ونشب النار وشوي إلا هذي نانسي عجرم هي وأمها وأبوها كاشتين بجنبنا ... قلت يبه وين الدربيل قالي وش تبي فيه قلت أبي أشوف وين القبله (أنواع التصريف) .. والله وأطلع فوق الددسن حقتنا وأجلس أدربل إلا يوم جت نانسي عجرم لمنا والله وأرمي الدربيل وأجي لمها ركض !!! .... قالت الله يخليك سيارتنا مغرزه تعال طلعنا ... قلت هلا والله مشينا !!!... والله وتمسك يدي وأنا أبطل أجمع !!! ... قالت لي شوف بقول لأمي وأبوي أنك خطيبي !!! قلت هلا والله !!! ... المهم والله يوم جيت لمهم ويقوم أبوها ويجي لمي قالت نانسي هذا خلودي خطيبي
قال أيه خلودي حموله طيبه (يلعن أم النصب) !!! ... والله وتجي أمها وتسمكني وتمطخني وتعبي جيوب ثوبي فصفص والله قالوا تعال سيارتنا ما تطلع قلت خلاص بروح أجيب الددسن حقتنا وتروحون لبيتكم وأنا أطلعها لكم (وش عنده 911على غفله) ... والله ويركب أبوها يسوق الددسن حقتنا وتركب أمها معاه قدام وأركب أنا ونانسي بالحوض ... وندعز للديره والله وشوي ونغرز وننزل أنا ونانسي ندف السياره ونطامر على الحوض وتطلع الددسن
(يلعن ام الرومانسيه) والله ونوصل لبيتهم قلت يالله أبي أروح قالت أمها تعال بدك تتغدنا معانا أنا طابخك لك اليوم (مرقوق) ... قلت والله حاله حتى هذولاء يعرفون هالسوالف !!! ... والله ونجلس الأربعه على الصينيه وأنا ونانسي متقابلين وأناظر نانسي وهي تاكل وأنواع الدموع تصب مني ... قالت أمها شو مالك قلت لا أبد بس الفلفل ذبحني ... والله ويجي أبوها ويقطع لي لحم لين عبي حافتي بطلت أشوف شي ... قالي كل من يد خالك
(قلت بقلبي تخلخلت عضامك)!!! .... والله وما صدقت خلصت وأقوم أبي أطلع قالت نانسي خلودي حرام عليك وأنا تتركني ... قلت يا شيخه الوالد لحاله بالبر بس ما عليكي أبي أرسل له السواق والله ونطلع أنا ونانسي عجرمبالددسن وتطق البرقع وأنا أتلطم علشان ما يعرفني أحد !!! ... ونمشي والله وتفتح المرايه تبي تصلح الكحل حقها قالت لي عيوني ... قلت وش فيها عيونك !!!
قالت لا أنت أسميك عيوني !!!! ... قلت أيه صح !!!.... قالت خلنا نروح للمقهى قلت يالله على المقهى والله ونروح وتطلب لنا كوبين (حلتيته) ... قلت يلعن أم الحاله وش هذا ما ينبلع !!! ... قالت لا حبيبي علشان دخلنا برد أنا وأنت يوم كنا بالحوض والله وأسكر خشمي وأشربه !!!! ... ونطلع والله للسوق وحنا بالطريق ويدق عليها خويها بالقهوه اللي باغنيه (أخاصمك أه) !!!! ... وتقفل بوجهه
قالت صحيح ما يستحي يدق علي وحبيبي معاي !!! ... قلت بقلبي وش السالفه يا ولد أنت حلو صحيح ولا وش السالفه
والله وندخل السوق قالت خلودي تحبني !!! ... قلت أيه بس لحد يدري قالت أشتر لي بطاقه سواء بدي أشحن جوالي !!! ... قلت والله ما معاي إلا الميه حقت أبوي وقالي غير فيها كفر الددسن !!!... والله وتناظرني وتجلس تقلب بعيونها قدامي والله وأنا أطلع الميه قلت يلعن ام الحاله عطها بطاقه يا شيخ والله وتشحن جوالها ونطلع للسياره إلا هذا أبوي جاي من البر مشي وينتظرني عند السياره .... قلت هلا والله وينك يا شيخ تصدق كنت أبي أدق عليك قالي هات مفتاح الددسن انت منت كفو والله سياره !!! ... قلت يلعن أم التحطيم طاح وجهي قدام نانسي عجرم !!! ... والله وتجي لمي نانسي قالت لا تزعل أنا احبك بددسن وبدون الددسن
قلت يلعن أم الحــب أثاريه فله والله وتصير نانسي عجرم خويتي وأصير كل خميس ألطش مفتاح الددسن من أبوي ونطلع انا وياها ندور بأم الحـمـام
الإهداءات
17-05-2003, 12:46
العرض العادي
