|
|
 |
||||||||
 |
 |
 |
 |
 |
 |
 |
 |
 |
 |
||||||||
 |
 |
 |
|
|||||||
| أطياف الوناسة مرح,ضحك,طرائف وسعة صدر
ترفيه ، طرائف ، مرح ، ضحك ، فرفشة ، تسلية ، فكاهة ، نكت ، صرقعة ، هسترة ، عيارة ، مقالب ، مزح ، تعليق ، دعابة ، ألعاب مسلية |
 |
|
|
أدوات الموضوع | انواع عرض الموضوع |
18-05-2003, 12:12
|
#1 |
  
تاريخ التسجيل: Mar 2003
الدولة: جنوب طوكيو
المشاركات: 1,853
 |
قصتي مع عصقول من اول يوم عرفته الي اليوم(الجزء الاول)
مساء الفل والياسمين
حبيت اليوم اكتب لكم قصه حقيقيه مو من خيالي لكن قصة دائماً احب اتذكرها هي قصة من يوم تعرفت على عصقول الي اليوم تضمن شقاوتنا مع بعض مغامراتنا طلعتنا دخلتنا مصايبنا الي عملناها مع بعض طبعاً احنى اطلقو علينا اهل الحاره الثنائي الخطير كنا مع بعض دائماً وين ماراح الطير تحصل معه عصقول وين مراح عصقول تحصل معه الطير لا يمكن احد فينا يروح بدون الثاني حتى لو سافروا اهلنا برا الرياض تحصلنا نروح مع بعض أول مرة شفته كنت اذكر عمري اربع او خمس سنوات هذا العمر الي الواحد يبدا يتذكر فيه طبعاً كانو أهلنا يجتمعون بس احنى صغار ولا احد يتذكر الثاني بعد ماتعرفنا على بعض صح قدر الله علينا وصرنا في المدرسه مع بعض في نفس الفصل وبعد ماشفته عرفت ان هذا عصقول ولد جيرانا الي دايم انا وهو مع بعض فرحت وااجد وقلت له تعال جنبي انت صديقي (الله على الطفوله والله فله تعال شفهم الحين) جلس جنبي وكنا هادين لدرجه ان المدرسين ماكنوا يعرفون اسمائنا من الهدوء بس علينا طلعات اذا جت الطلعه نصفق لنا كم بزر وننحاش الى بكرة الا مرة اذكر اني انا واهو مسكنا واحد ضعيف وش مسوي سارق قلم عصقول ولا رجعه وقال ماراح ارجعه مسكناه عند الباب ولعنا الطيب مافيه واحد يمزعه والثاني متعلق في شعره هههههههههههههههاااي ويرحون المبزره كان فيه اطفال ملالالالالالالالالاقيف يروحون يعلمون مدرس الفنيه عاد هذاك أقشر ويضرب ضرب جامد انا شفته انا وعصقول هع ونتخبى ورا السيارة من الخوف وهو يطالع يمين يسار يبغى يصيدنا او الطلاب يقولون هذاك هم ونسكت لين دخل وننحاش وركض للبيت انا وعصقول ماندل البيت ونضيع ونجلس نمشي وندور وندور وش نسوي صغاااار مرة مادري وش مطلعنا ذاك اليوم مع ان ابوي وابو عصقول قايلين لنا لا تتحركون لين يجي واحد ياخذكم . من الخوف ذاك اليوم طلعنا من انفسنا ونضيع البيت ونمشي ونمشي ونمشي المهم فجأة دخلنا شارعنا انا من الفرحه بوست الارض هههههههههههههههههههههاااي والله اذكرها وابموت وانا اذكرها ذيك الفرحه وادخل على البيت الا امي تبكي وابوي معصب وحالتنا حاله مضيعينا الشباب وانا وهو نمشي ندور البيت وخذها تصفيق من ابوي وابو عصقول لين دخنا حرمنا نطلع من انفسنا ولا كنا سوينا شي العصر جتنا امه وخذها لعب في الكورة عااادي شباب ما كانا تصفقنا هههههههههههههههههههااااي وناسه الشباب (مبزرة اكيد مراح تحس بشي ايييه ياليت الايام ذيك ترجع وتفكنا من قشركم الحين) عاد كبرنا شوي وصرنا يعني بزران يعتمد عليهم وبدينا نطلع من البيت وين نروح نروح البقاله عاد عندنا بقاله لواحد كبير في العمر اسمه ابو سعد الله يرحمه كان طيب وحبيب بس يضرب الي يزعله ما كنا نبغى له شر بس لا يقربنا ندخل نشتري ونطلع في مرة من المرات جيت انا وعصقول نركض بقالته صغيره وفيه قدام حديد ومدخل صغير مرة المهم جينا محصلينه طالع وتارك البقاله مفتوحه هو بقالته على البيت يعني يفتح الباب الخلفي ويدخل بيته (والله من زين البقاله يتركها ويمشي) ونجي نتعلق في الحديد كان في صناديق الببسي الزجاج القديم ابو نصف ريال(الله ماتذكر الا نصف ريال) تعرفون عاد اول وين الي معه ريال نشتري ببسيتين انواع الوناسه اغنياء واحنى متعلقين ونضرب الصناديق من النصف وطططططططع متكسره كل الزجاج احنى شفنا الدعوه تخربطت وحط رجلك ولا كنا موجودين ونروح نجلس دقايق ونرجع الا هو الله يرحمه يجمع فيها ابوسعد: تعال انت وياه انتم الي مكسرين الزجاج ؟ الطير وعصقول: ابد عمي ابو سعد ماكسرنا شي تونا جاين احنى لك شلون نكسرها؟؟؟!!! حقوق النشر محفوظه الطير ياللي@تايمز الجراديه جوار برج الفيصليه
__________________
وش اسموه مابوه صوره الحين هذي ابحث واتطقس وادور  اعجبتني الصور قلب مولع نار
التعديل الأخير تم بواسطة الطير ياللي ; 18-05-2003 الساعة 10:07. |
|
|
18-05-2003, 03:07
|
#2 |
 تاريخ التسجيل: Dec 2002
الدولة: عيون حبايبي
المشاركات: 47
|
هلا الطير
مافي أحلى من قصص الطفوله .........روعه البدايه لاتطول علينا نبغى الأجزاء الباقيه فجوره
__________________
فقيدتنا الغالية أبنة حمد (( مرزوق الوسيم )) اسأل الله العلي القدير ان يتغمدها بواسع رحمته ,اللهم وسع عليها قبرها وادخلها في رحمتك وادخلها في جنتك,اللهم اسقها من حوض حبيبك حبيبنا محمد صلوات ربي وسلامه عليه ,اللهم اغسلها بالماء والثلج والبرد ونقها من الذنوب والخطايا كماينقى الثوب الابيض من الدنس . |
|
|
|
18-05-2003, 03:22
|
#3 | |||||||||
تاريخ التسجيل: Dec 2002
المشاركات: 5,425
|
ههههههههاي
حلوه يالطير من جد بوست الارض هذي تموت من الضخك حسبي الله على شيطانك 
__________________
|
|||||||||
|
|
|
18-05-2003, 05:37
|
#4 |
|
تاريخ التسجيل: Mar 2003
الدولة: جنوب طوكيو
المشاركات: 1,853
|
هلا والله وغلا الفجر يالله حيها ابشري والله بالي يسر خاطرك انشاء الله
__________________
وش اسموه مابوه صوره الحين هذي ابحث واتطقس وادور اعجبتني الصور قلب مولع نار
|
|
|
|
18-05-2003, 05:44
|
#5 |
|
تاريخ التسجيل: Mar 2003
الدولة: جنوب طوكيو
المشاركات: 1,853
|
ههههههههههههههههههههههههههاااي
نايت الي بيجي اكثر حبيبي لا تضحك الحين خزنها
__________________
وش اسموه مابوه صوره الحين هذي ابحث واتطقس وادور اعجبتني الصور قلب مولع نار
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
 |
العرض العادي
