عرايس بس للعرايس ..

اعزائي الاطيافيين .. اليكم اقدم ( طريقة عمل العرايس )



مقاديرها



اما أن تكون خلطة كباب جاهزة من اللحام يكون فيها البصل والبقدونس
والبهارات والملح

او أنها تصير بالبيت ..

اللي يجب اللحمة الكباب جاهزة يزيد عليها بالبيت حبة بطماطم متوسطه مفرومة ناعم

( عشان ما تطلع اللحمة ناشفة لما تنشوى بالفرن )

@ ربع كيلو لحم مفروم ناعم جدا

@ 15 عرق بقدونس مفروم ناعم

@ بصلة متوسطة مفرومة ناعم جدا

@ طماطه متوسطة مفرومة مكعبات صغيرة جدا

@ ملح + بهار اسود + قليل جدا من البهارات

@ ملعقتين كبار زيت زيتون ( اختياري فلفل احمر بودرة للي يحب الحر شوي بس )

يعني تجيبي اللحم مفروم ناعم مره وتفرمي كل شي على حده

وتخلطيهم بعدين كلهم سوا بيدك زين تخلطيهم باليد



الطريقة

تجيبي خبز لبناني سميك شوي مو الرقيق



تجيبيه وتفتحيه من جهة واحده شوي وتمدي فيه شوية من اللحمة وترصيها داخل الخبزة زين

بعدين تسكريها وترصيها بيدك وتدهني على يدك مسحة زيت زيتون وتدهني الخبزة من الإمام والخلف

بس لا تمليها زيت بس مسح بيدك على خفيف ( انظري للصورة )



ثم تقسميها لأربع أقسام بعدين تلفي كل خبزه بالسيلفر ( القصدير )

وتحكمي عليها الإغلاق وتخلي اللفة المفتوحة من فوق عشان ما ينزل ماء

اللحمة لتحت بالفرن

وتدخليهم بصينية الفرن على الطبقة الوسط وتكوني مشغله الغاز من فوق ومن تحت

على حرارة 180 - 200 درجة

وبعد 20 دقيقة شيكي على وحده منهم إذا احمرت والا لا

إذا ما حمرت اتركيها بعد شوي ممكن تاخذ وقت 30 دقيقة

على حسب نوعية الفرن ونوعية الخبز او تشويها بالفحم بعد ماتحطيها بالشبك



بعد ما تطلعيهم من الفرن خليهم بالسيلفر مسكر عليهم شوي عشان ما
ينشفوا الخبز او ييبس

وبعدين شيلي عنه السيلفر وحطيهم كلهم في صحن وغطيه زين بالسيلفر او بحافظه او بكيس نايلون

واحكمي الإغلاق عليهم لمدة لا تقل عن خمس دقايق

عشان تطرى الخبزة شوي إذا كانت محمصة والطعم أحلى من إي مطعم واغلبي فيه المطاعم




وبالهناء والعافيه

هلا بيك اميرة .. نورتي هانم
تحياتي ،،،