..:: كلوركس للتبيض ::..

العبد الفقير · 29-07-2008, 12:54

الله يبيض وجيهم إن كانوا صاادقين
عندي لكم سالفة تفطس من الضحك وما تجي في بالكم أبداً !!!
تعرفون انتشرت ألحين أقلام الليزر لمعاكسات البنات ومضايقة العوائل من الشباب وهدفهم المغازلة
لكن ألحين طلعت حركه جديدة من الشباب يستهدفون البنات إلي يلبسون عبايات مخصرة وفاتنة
وسمو نفسهم حملة شباب الكلوركس للتبيض !!!!؟؟؟؟
وشفتهم في السوق بس شفت بنات قليل منهم
تعرفون وش السالفة ؟؟
اللي قالت لي الخبر صديقتي وهي محتشمة في لبسها للعباية
تقول رحت أنا وزوجي للسوق ومنها بنلعب العيال ، شفت أربع بنات لابسين عبايات مره فاضحه ، يـبان حجم اليد والصدر والخصر ومن تحت فضفاض
واثنين شباب يمشون وراهم وأنا وزوجي عيونا عليهم وشوي إلا واحد من الشباب طلع من جيبه أبره ورش عبايات البنات وانحاشو !
جلسنا نمشي ورى البنات ، تقول وشوي تغيرت لون عبايتهم طلع لها لون غريب يضحك / واضح إن منكب عليهم كلوركس !!
وبعدها جلست أدور في عبايتي عسى مارشوني أنا بعد !
تقول الحمدلله عبايتي ما فيها شي
وراحوا البنات
وتقول زوجي مستغرب و يفكر ليه سووا الحركة هاذي ؟؟!!
تقول سبحان الله بعد ماشريت لي ملابس رحنا نلعب العيال بالملاهي إلي بالسوق ولقينا نفس الشباب وقلت لزوجي شوفهم هناك ورى البنات
وراح لهم زوجي وبعد خمس دقايق رجع يضحك قلت له هاه وش السالفه ؟؟
قال وهو يضحك : الإبرة اللي شفناها معهم هذي أنبوبات بدون أبره وفيها كلوركس يقولون اللي عجزت عنهم الهيئة تكافحهم إحنا نكافحهم !!
يقول الشاب لزوجي : نجي بدري لأي سوق يسمحون لنا ندخله و نلبس بنطلون أبيض أو ثوب ونحط في الجيب الواحد 10 أنبوبات فيها كلوركس ونرش عبايات البنات المخصرة والفاتنة ويحلف بالله اللي محتشمة ما نرشها !! نرش بس العبايات المخصرة والفاضحة !!
وسمو نفسهم شباب الكلوركس للتبيض... !!
يقول عددنا اللي في السوق 10 نتقسم وإذا خلص الكلوركس اللي معنا نروح نعبي من الجالون اللي بالسيارة
وسألهم زوجي ليه تسوون كذا ؟؟
تعرفون ويش قالوا ؟
قالوا هدفنا واضح هو نخلي هالبنات يلتزموا بالستر وبس !!!!.....
والله عليهم حركات ماتجي في بال أحد
وانصح كل وحدة بالستر في كل مكان مو في السوق وبس ولا راح تكون عرضه لشباب التبييض !
وأضحوكه للناس!
وعلى فكره شفت كم بنت ينعدون على الأصابع في أحد الأسواق تعرضوا للتبييض بالكلوركس !!
عساهم يتأدبون
الله يهدينا ويهديهم ويستر علينا وعليهم
آآآآمين

(منقول من ايميلي )

خبر عــــاجل · 31-07-2008, 04:13

وهل من شيم الدين "التفضيح"

عجبي لمن ينصِّب نفسه على الناس رقيباً وحسيبا

الدين المعاملة .. وهل هذا السلوك الغير مسئول ينم عما حثنا عليه ديننا الاسلامي
في كتاب الله العزيز وسنة نبيه الكريم

هند الامارات · 01-08-2008, 03:49

فعلا شباب فاضي ما عنده شغله ........ اليوم يلاحقونهم ويرشون عبيهم باجر يفسخونهم عبيهم عيني عينك ترى ما محصلين حد يردهم بالعكس محصلين مشجعين ... كل واحد فكر بفكره سخيفة وحصل له ناس يجارونه بسخافته ...!!
سر يا راعي الحمله بالاول اقرا زين في الدين واعرف ان الدين معاملة وان البنت لومشت بهذا الطريج ابعد انا يا الشاب وامش من هذاك الصوب مو لاحقنها أطالع عباتها وخصرها .... يعني بنت طالعه من بنت ابوها وبموافقة اهلها واخوانها انتو اشدخلكم ؟؟
الستر زين بس عمر النصيحة ما كانت بها الشكل .. شو بيستفيد لو
البنت عاندت فيك ذيج الساعة وفسخت العباه عنادا فيك ؟؟
وبعدين صاحب المبدأ ما يشرد ... وهم ما شردوا إلا انهم في قرارة نفسهم يعرفون ان هذا السلوك غلط وعمر الغلط ما يتصلح بغلط ....!!
في طرق وايدة للنصح اذا انت تبغي تنصح وطبق الشريعة وخايف على بنت بلادك ....!!
بعدين الاقربون اولى بالمعروف روح لأهلك وخواتك وما يخصك ببنات الناس ....بنات الناس ادعيلهم بالهداية هذي حدودك وبلا سخافات في الأماكن العامة ..!!
والله لو مسوين فيني ها الحركه إني اييلهم اليوم الثاني ومعاي علبة مزيل الشعر من أرخص نوع وأرش المزيل على لحاياهم وشواربهم اللي ما يستحون على ويهم ....والله يهدي الجميع

أوتار الأمل · 02-08-2008, 02:30

أنا أبي أنسخ كلام هند الامارات

يا ناس الدين المعامله

الشقردي · 02-08-2008, 10:12

شباب غيورين الله يبيض وجيهم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

الأتصال بنا \| الأرشيف \| الأعلى
	Powered by vBulletin® Copyright ©2000 - 2007, Jelsoft Enterprises Ltd. Search Engine Optimization