(مماقرأت واعجبني)اتمنى ان يعجبكم دمتم بود
البارحه يوم العرب توميلي=قمت اتمايل والعب ابمنديلي
واللي سحبني هد باقي حيلي= والحال مال وهالقلوب اتونّي
يوم العرب كلّن رسل مرسوله=واللي يبي شين يدابك حوله
مانيب عن ذاك الخطا مسؤوله= لنّ الخطا عارفكم ويجهلني
مانيب من بعض العرب محتاجه=عندي وبرقى للغنى ابراجه
رجلي تعوف السكه المنعاجه= واللي جهل يسال عربهم عني
روفي بحالي ياسنيني روفي=واجد خذو ثم انكرو معروفي
ما همّني كم لجلهم مصروفي= بسّ القهر من خنجري يطعنّي
لا لا تهمّك صفصفات ادموعه=بعض البهايم ما جهلنا نوعه
يبكي وعبراته مهي مسموعه= واللي فهم معنى الشعر يفهمني
العيب واضح ماسترتك اثيابك=لا مانفع بالوقت عضة نابك
واللي كتبه الله صابك صابك= والحق واضح لا تجي تسألني
اللي عطاك اليوم من بخشيشي=ماهو غرور ان قمت بنفش ريشي
بعض المشاكل حلّها بقريشي= والمال فرّج ضيقة المتعنّي
ماهمّني بالساحه المشهوره=غير القصيد اللي عبرت ابحوره
حتى ان قيفانه غدت مسحوره=من شعري اللي قمت فيه اغنّي
باقول للي كان متقفّيني=بارض الشعر وقفني ابرجليني
واليوم قفّى غايبن عن عيني=ياجعل قلبك راضي ومتهنّي
متمركزه شفني على مرقابي=ماهمني طالب ولا طلابي
واللي يحوم اهناك ذاك اعقابي= الصيد منّه وافيٍ يطربني
والحر هاللي حام فوق الغاره=وده يصيد المهره ابمنقاره
واللي بغاها مهرتن جبّاره= محدٍ عسفها لا يشين الظنّي
ياجارتي مانيب بنت اللاشي=وان كان رجلك شايبن غشّاشي
يبطي عظم لا ما يدوس افراشي= ضفّيه يابنت العرب جنّني
اللي بغيته نادرن باوصوفه=فيه المزايا شامخه معروفه
بيديه كني وردتن مقطوفه=ساحر وبحروف الشعر يسحرني
البارحه قبل العصر كلّمته=صفّيت هرجي بالوضع علّمته
واللي بقى من خافقي سلّمته= وادموع عيني بانن وذلّنّي
واليوم جا هدّ الخفوق وراحي=علّه يكون ابروحته مرتاحي
الهم صار اوسادتي واوشاحي= سود الهموم الجايره صابنّي
التجربه تنفع وهي برهاني=لا لا تزيد الهم بالكتماني
الاوّلي ماهوب زي الثاني= لا تبتلش بالعد يامكلّمني
الإهداءات
05-07-2008, 07:28
المواضيع المتشابهه 
رد: شفني على مرقابي 
اعجابك وسام اعتز به ومرورك شرف لي اسعدني تواجدك بين ثنايامتصفحي
العرض العادي
