على فكرة هو بسيط وبجوز ابتعرفوه

بودنج

المقادير:-


بسكوت شاي سادة
2 كوب حليب
3 ملعقة نشا
1 كوب سكر
1/3 كوب كاكاو
1 ملعقة فانيلا سائلة
2 ملعقة طحين
علبة قشطة جيبوها على طعم فراولة أو أي طعم بتحبوه
وجوز هند مبشور عشان التغطية


الطريقة:-


نضع الحليب على النار ثم نضيف له السكر ونحرك لحد مايذوب السكر والفانيلا ثم نضيف الكاكاو طبعا بعد ماتذوبوا الكاكاو على جنب بشوية مي عشان مايعمل كتل في الحليب.... وبعدين بتضيفيه على الحليب من خلال مصفاية وحركي لحد مايغلي الحليب، وهلأ بنجيب النشا وبنذوبه بمي وبنضيفه للحليب وهو على نار هادية لحد مايثخن الخليط وإطفي النار وبعدين بتضيفي القشطة وبتحركي لحد ماينخلط مع بعضه منيح وبعدين بتجيبي صينية مستطيلة أو مربعة وبتدهنيها بشوية من الخليط حتى تغطي أرضيتها وبعدين بتصفي البسكوت كطبقة أولى وبعدين بتغطيه بالخليط وبعدين طبقة بسكوت وهكذا لحد ماتكون طبقة الخليط هي الأخيرة وبعدين رشي على الوجه جوز هند وحطيها بالثلاجة لحد ماتبرد ويتماسك البودنج وقدميها

وصحتين وألف عافية

ملاحظة إعملوا مقدارين من هاي الوصفة عشان تعملوا صينية متوسطة لأنه المقدار الواحد كتير قليل