[poet font="Arial,4,blue,bold,normal" bkcolor="transparent" bkimage="backgrounds/17.gif" border="none,4,gray" type=0 line=200% align=center use=ex length=0 char="" num="0,black" filter=""]
بالله ياصاحب فندق بهاء الديني = نزيل رقم اربعة لاعاد توذونه

ترى الأذيه على المجمول توذيني = جار لطيف وجيرانه يعزونه

عطوه مايطلبه لو كان بالديني = وانا كفيل وغارم ماتعرفونه

حد الكفالة الا عشرة ملاييني = حساب مفتوح هو يطلب وتعطونه

معرفتي له ثواني ف الاصنصيني = لكن من اجل المعرفة تكرم عيونه

يامر وينهى ومطلوبه على عيني = الجار وصابه الله كيف تنسونه

مادام ساكن فلاحن بعجليني = وإن راح ماينفع المسكان من دونه

اصفر عفر والقرون الشقر شكليني = له غرة لياصفقها غطت عيونه

ياعود موز نما وسط البساتيني = وإن هب نسناس الهوا مالت غصونه

تحت الحوابيط بين الخوخ والتيني = واهله من الساقي الصافي يسقونه

لاعاد شوفه ولا عرفه على عيني = هيض على القلب ماض خافي شجونه

شبنا وتبنا وراح العلم علميني = واللي مضى حالت الأيام من دونه

ربي مع نظرة عيوني مشقيني = والعين في خافي العربان مفتونه


وسلامتكم


الطوفــان
[/poet]