[poet font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
شد ياعسـر القوافـي بـدربٍ مستقيـم=لاتهاب دروب عّـزك ولاتشكـي ضمـاه

راحلٍ منهو بقى لـو بقـى يـومٍ مقيـم=حكمته علاّم غيبه وعالـي فـي سمـاه

اتعـوذ باولـه منـك يابليـس الرّجيـم=واترجا بأخره فضـل مـن يعلـم خفـاه

واحدٍ بأمره تنهّض مـن النبّـت الرميـم=عاش عقب الموت بامره تعلّق بالحيـاه

وابتديت القاف باسمه ولو انـي غشيـم=بالقوافـي مبتداهـا وحــزة منتـهـاه

اسند القيفان للرّجالهـا هـي والحريـم=مااخص اعم انا كـل مـن فـي منتـداه

ماابي رد الجماعه علـى سيـنٍ وجيـم=ينتهي في قولت اشّكرك واجهل وش وراه

من قـرى ماقلـت لالايحسبنّـي غريـم=اخوتي مايجهل حروف قافي مـن قـراه

ياجماعه تفهم النـاس عدلـه والسليـم=والسؤال اللي يحيّر عـن الـي مابغـاه

شفت لي عذراء قرونه ليا حـد البريـم=والجمال اليوسفي طـب ياربعـي حمـاه

عينها ياعين حـرٍ شلـع والجـو غيـم=حافها ذيـك الحبـاري وحقـق مبتغـاه

عودها ياغصن موزٍ سرى فيـه العميـم=من هواه الصلف يومي ولاحـيٍ حمـاه

خدها برقٍ يلالـي رعـوده لـه رزيـم=ساسها سيفٍ على المعتدي بيّـن لضـاه

بنت عزٍ ماغـذاه رجـب وابـو شكيـم=تربيت ناسٍ علـى العـز حـزة مبتـداه

مملكه والكـل يسعـى لملكـه ياكريـم=تحفةٍ ربي من الزيـن سبحانـه عطـاه

ليه هانت نفسها مـع ذليلـه والسقيـم=ياجماعه خبرونـي وقولـو وش بلاه

وسط نارٍ تاكل اخضر حطبها والهشيـم=ليه تجلب نفسها عرضها يامـن شـراه

ليه ليه وليه ليـه العـرب قالـو يتيـم=بيت عزٍ بالخطـا ماخبـر حـيٍ رمـاه

اليماني حـي مدفـون وافهـم ياحكيـم=يوم ابن عبد الملك شك في مشيّة خطـاه

كان ماهو ميت انا اضن انا مروان نيـم=مادرى بالفاكهـه ياجماعـه مـن كـلاه

اخبرن يامن على القاف والمعنـى فهيـم=ليه بنت العزّ ترضـى بـذلٍ قـد غطـاه

اتحـرى رد قيفـان ملقـوفٍ غشـيـم=والردى وان طال عذرى يطول الـي وراه


[/poet]


للتوضيح وردة كلمة حماه مرتين ولكن الاولى تعني الحما (طب ياربعي حماه )اي اتى داخل حماها او مكانها بينما الاخرى تعني موضوع الحمايه

دمتم بخير وتقبلو الف تحية وتحية من اخيكم

السنعوســــــــــي