ثامر العنزي

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]

وسط غرفة كئيبه حيل /بجدارة رسم ذكرى= عشر بالضبط من عمري بذا الغرفة واناجيها




تغيّر شكلنا لكن واهي في لونها صفرا = وسقفة من رداة الحظ قشّر من تواليها




على جدرانها تحمل تجاعيد الزمن قشرا = شبية لوجهنا لكن جماد وما يحس فيها



على هاك الجدار اللي به الاهات والحسرا = على صدرة حمل صورة واحس الطوف تبكيها




على صدرة يزيد الشد لو طارت بة الفترا = ورب البيت احس الطوف ترفع له بياديها




احس انه يناظري /واعرفة من ورا النظرا= انا والله وش بيدي دخيلك لا تواريها




&&&&&&&&&&&




رجل مثلك حرام انة يعيش وفاهمك واقرا = معاني وجهكم يابوي اموت ان كنت مخطيها



أبثبت لك انا عانيت وجرح الذل ما يبرا = بلا عزة بلا مذهب ورب البيت // ناسيها



لاجل جهّال ياغالي كرامتنا على صخرا = وكل من جى لها داس برجوله حيل يوطيها




احس انه تعذبهم ورب البيت ما تدرا = تسيل الدم بالراكد واهي تضحك وأجاريها



وسمع اذني تأوة حيل /واناظرها بعد مسرا = ودمع العين من عيني ركض يمة يواسيها



ابد لالا تقاطعني ابا افضفض من القهرا = دخيلك لا تفز العين ابا اثبت لك خوافيها




نسيت انك من المولد توصيني ليا السكرا = تغذيني كرامة شوف / وراسك فوق علّيها



ترا ما يسوا رجال ٍ بلا عزة ولا قدرا = انا بوصيك يْوليدي كرامتكم تداريها




دخيلك لا تقاطعني دخيلك خلني نشره= ترا الشرهة على غالي تجوز بكل مافيها




&&&&&&&&&&&&&



أنا يْوليد مو قصدي ولكن حالكم قفرا = دعيتة فارج الغمة يهوّن لك بلاويها



تحملني على سلوبي لزومٍ تظهر الصبرا = واذا حسّيت متعدي تغض الطرف وأوحيها



رجل مثلي حفر بالقار وجاب اللبس للعذرا = ولقمة من حليق الذيب لاطفالٍ يعشيها




تعذبنا تعذبنا وعانينا كذا مرا = ورب البيت عانينا معاناة بمعانيها



وكم مرة نشوف الذل في هيئة رجل قدرا = وقار ولحيتة بيضة على الخسة مربيها




يجي يرفس بكل حيلة ( لماذا) قال في امرا = مسح ذقنة بكفٍ فيه من دمعي حواليها




فزعت وقلت ملعونه حياة الذل والكدرا = على موتي على موتي ابي عزة وبشريها




جمعت اللي بقالي من كرامة ذبحها غدرا= حلفت اني بعد توبه وتوبه كان اضحيها




وترمقني بنظرة حقد يوم ان الحجر يطرا = وناظرها وانا مكسور تبكيني وابكيها



ابعلن للملا توبه وتوبة سرٍ وجهرا = اموت ولا تموتين ولج العزة وطاريها




اجوع وربنا عالي رزق هالداب في حجرا = رزق خلف اللحى دودٍ وسبحانة مكفيها




اظن كافي مواجع / بس ترا قلبي غدا جمرا = وجف الريق والغصة تجي دمعة تداويها




&&&&&&&&&&&



انا يوْليد// سامحني بجاة اللي خلق بحرا = تراي اخطيت في حقك سموحة منك نرجيها




انا مخطي ولا ظني يفيد العفو والعذرا = انا مذنب انا غلطان انا سبة مأسيها



تعال وقرب الصورة وخلة داخل الصدرا = ابي صدرك يضم الدمع من عيني ابا اهديها




&&&&&&&&&&&&&



دخيلك لا يزعلكم كلامي واحسبة هذرا= هذاري من طفل موتة على الذلة يبديها




وسط غرفة كيئبة حيل واحس ان كما قبرا = تموت أمالنا مدري / وصورة غاب راعيها




نزف دمعي على خدي وكم عبرا ورا عبرا = تساقط والعن الدولاب يشقيني يشقيها





حقيقة كافرة فعلا نغطيها تبا تعرا = وتلبس من ثياب الضيم ما يفضح مراميها
[/poet]