ثامر العنزي

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]

بسولف للشعر عنك واقول انك روايع قاف= واخلي هامتة تركع لاجل عينك ولا شانه




بسولف للشعر عنك وربي ما عليك خلاف = واذا يزعل على كيفة / بكيفة يجبر احزانه




قصيدة صفصف حروفك ... تعالي شاعرك كشاف = تطاوعني حروف القاف بوصفك حييل مزدانه




دخيل الله انا ... لون الخجل هذا يجيب اكتاف = احبة فيك /لكني / احسدة .كيف بوجانه ؟؟




يحق إلكِ وراع الحب قليبة ملمسه هفهاف = هبوب النوّ تلعب به ليا ناظركِ خجلانه



تمادي بالخجل / لااابوه/ تمادي واعتقد مو كاف = ابا اغيض الخجل هذا واقبّل حمرة الوانه




تعالي واجلسي يمي فداك من ( ..) الاف= فداك الماضي والحاضر فداك الشعر واوزانه




انا لو قلت ياشعري ابا توصف ثلاث اضعاف = دواوين الغزل واكثر عجز يعطيك عنوانه




ابسئلك ؟ المحيا ذا اخذ شكل القمر ما خاف = عيون الناس والحساد لعن جد الذي خانه




مبيسمك العنب كنه ... وكنه ماهقى ينعاف = بساتين العنب كلك ويشمومه وريحانه





وعين ِ كنها مكه ... سواد العين والطوّاف = بياض في عيونك والحلا حورة ونعسانه




وجسم ناحل كنه غصينٍ من شجر صفصاف = نحيل والهوا لا هب كشف بالصدر رمانا



تسابقني حروف القاف لاجل عينك تجيب اصناف = من البحر المحمل جاب زمردها ومرجانه



انا فيكم متيم // ايه احبك والهوا شفاف = وربك هالخفوق اللي بصدري صرتي شريانه



اجل يعني اذا قلبي نبض واصبح كما رجاف = مشاعر حب تعتبرة او النبضات غلطانه ؟؟؟؟




وسلامتكم
[/poet]