°.¸¸.»«°ˆ( أول قصة حب لي ادخل واقرى ).¸¸.»«°ˆ.

الطير ياللي · 07-07-2003, 10:22

في يوم من الايام كنت جالس مع الوالده اتقهوى العصريه بعد المغرب وانا أمدد رجيلاتي في الصاله واحتسي

القهوه وثم طبت امي مثل العاده طير متى تتزوج يعني متى تعرس بين قوسين خخخخخخخخخخخ عاد انا

لاحد يذكر لي احد الزواج وانا اصرف امي واقول لها والله يمه شوفي انا بصراحه رجال مواعد صديقي عصقول

وابروح له الحين عند البقاله متواعدين اذا رجعت يحلها الف حلال انشاء الله المهم وانا طالع عند البقاله انتظر صديقي

عصقول ما جاء عصقول لاحول ولا قوة الا بالله العظيم وش القصه وش الهرجه ؟

ماجاء الرجال عادي مثل العاده عطاني اشكل

المهم انتظر شوي متكي على كبوت سيارتي(اول سياره ددسن 82 خطوط بدون مكيف غماره وحده)

الا تجيك هذيك الوحده الي تقط طياره بوينج 707 من السما وانا طايره عيوني ياربي وش ذا الجمال

كله لا عيون ولا خصر ولا مشيه مشيت حمامه يالله شو هيدا ؟؟ وتدخل البقاله وانا ادخل وراها

ابغى اعطيها أي شي يالله وش اسوي وبسرعه فائقه طق لك رساله اعجاب وتاخذ الرساله انا من وسعة الصدر

رحت للبيت وادخل غرفتي واطيح على سرير ياالله وانا في حاله غير طبيعيه من الفرحه والابتهاج واجلس كل

يوم اروح للبقاله انتظر عصقول(نصاب ينتظر البنت) وانا جالس اسبوع كامل انتظر وحالتي حاله وانا كل ماشفت

وحده من بعيد بدا قلبي يخفق من الحب تهى تهى تهى وبعد انتظر اسبوع كامل وفي الاخير تجي البنت الي دخلت قلبي

الكبير(مداح نفسه....) وترمي الرساله لي على كبوت السياره انا شفت الرساله رجليني تحلفون انها تسمرت تسمير

معاد اقدر امشي منها يالله شو هيدا احاول امشي لا احد يشوف الرساله واخيراً اخذ الرساله وانطلق للبيت

وامي تقول.

امي:طييييير تعال ابيك في موضوع

الطير: اسمحي لي مامي انا مستعجل الحين

امي: طيب فيه بنت فلان والله ياهي تهبببببببببببببببببل

الطير: طيب شوي وراجع

وانا انطلق لغرفتي وادخل الغرفه وافتح الرساله وانا اببكي من الفرحه يالله حبيبتي تكتب لي رساله في اللغة العنقليزية

وانا اتوهق خخخخخخخخخخخخخخخخخخخ وارجع لصديقي ورفيق دربي عصقول والله يجزاه الخير والله ماقصر

(تقول واحد من عجز الرياض) وانا اجلس كل اليوم ابكي وهو يهدي فيني وانا ابكي يالله يالله انا ابموت من الفرحه

حبيبتي مثقفه تهى تهى تهى يالله انا ماقدر اتحمل اكثر من كذا ابموت خلاص وعصقول يقول

عصقول: اقول وراى ماتعقل انت وجهك وخلك ثقيل يامال الصلاح

الطير: يامال الصلاح والا يامال الشام خخخخخخخخخخخخخخخخخخخخخخخ

الا على طاري يامال هذا واحد قروي فتح محل نظارات جنب مطعم يامال الشام سمى محله يامال الاعمى للنظارات خخخخخخخخخخخخخخخخخخخخخخخخخخخخخخخخخ

المهم وانا ابدا رسايل انا وهو وهي ونشتغل حب وغرام ورسايل وفله وفي اخر رسايلها الله يرجها ذبحتني في العنقليزي

قالت

حبيبتي: ابغى اقابلك ولكن فوق السطح

الطير: السطح!!

حبيبتي: ايه في السطح بكره بعد صلاة العصر

الطير: لا والله تورطنا شكلها من بنات الجيران

واجيك متكشخ والبس واتهندم واتوكل على ربي قلت هي خربانه خربانه واطلع السطح وانا واقف والشمس

ذبحتني الا تجي عندي الشغاله لاحول ولاقوة الا بالله العظيم وش تبي هذي الحين ؟؟

وانا احاول اصرفها وفي الاخير تقول

الشغاله: الطير انا اليوم في واعد انت هنا !!

الطير: نعم نعم ؟؟؟ وش قلتي

الشغاله: انا حبيبه مال انت وانت في وعد زواج مال انا

انا طق في راسي فيوز وانزل امشي كل الارقام عند امي قلت

الطير: يممممممممممممممه يا انا يالشغاله في البيت

امي: لا والله يا وليدي هي اما انت وش فايدتك

وهكذا تنتهي اول قصة حب لي فاشله فشل ذريع مثل خشيشتي

حقوق النشر محفوظه الطير ياللي@تايمز الجراديه جوار برج الفيصليه

cocokabanaa · 08-07-2003, 12:13

كركركركركركركركركركركركركركركركركر

يسلمووووووووووووووووو اخوي طير

مسكين تحزن

يالله لو قلبك انكسر الايام تلحمه

يسلموا اخووووووووووووووووووووي

اخوك كوكو

هوندا · 08-07-2003, 01:04

خخخخخخخخخخخخخخخخخخخخخخخخخخخ
اوصلت المواصيل الى شغاله الجيران
تدري لو انا منك يالطير
ايش اسوي

انزل تحت

تدري

لو صار لي هالموقف

بكل بساطه

انتحر

تحياتي: هوندا

بدر البدور · 08-07-2003, 01:33

هههههههههههههههههههههههه

حتى الشغااااااله

ماخليت حد في حاله

العبرة الحائرة · 08-07-2003, 03:06

ههههههههههههههههههههههههههههههههههههه

واعجبني موقف مامي

يا هي تحبك حب

|3| |3| |3|

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

الأتصال بنا \| الأرشيف \| الأعلى
	Powered by vBulletin® Copyright ©2000 - 2007, Jelsoft Enterprises Ltd. Search Engine Optimization