[poet font="Simplified Arabic,4,deeppink,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
عدت اليكم ولكن بماذا اعود
الشعر لايفئ ,, والكلام ينطفئ
امام حروف اسمها الجميل جدا
فالمشاعر اكبر ,, والمواقف اكبر
انسانه لاتعرف الا الصدق ..الصدق
الصديق الصدوق .. يندر وجوده
ولكنها هي .. بنت المواقف النبيله
انها القمر غير ,, ولا غير ..وهذه كلمتي :


نشات مزون الشعر بالفكر ذراف=رعادها من قو غيثه رجفها
من ضلع حايل ساقها الريح بالطاف=تسابق غيومه ملايا زرفها
براقها من (دوحة) العز ينشاف=وان حل في قاع تزامت شعفها
هلت هماليله سحاب من القاف=وسمية للشعر تزهر فيفها
تجود في تمجيد بنات عفاف=من لابة بالعز قلبي ولفها
نسل الحرار اللي على الطيب وقاف=توارث اجياله فعايل سلفها
وأخص انا بالمدح من صيتها ناف=تلقى القوافي في ربوعه ترفها
(بنت المواقف)لازهت فيها الاوصاف=عجز الشعر والقاف لامن وصفها
هي (القمر) بس (غير)والفعل كشاف=مواقفه بالعز ماحد وقفها
كل وقف لاجله يصفق بالاكفاف=جزلة عطايا ماتدور خلفها
ماغريبة منك يابنت الأشراف=فعولكم بالخير كلن كشفها
يوم الهجن ويوم بندق وسياف=ما حسبوا من دون موته كلفها
بنت الشيوخ وماكره كل مشراف=شيهانة .. كبد المعادي علفها
وان جبتها للهيل بدلال نحاف=دايم تزامى جنب صالي لهفها
والا صحون بالمفاطيح ذراف=رؤوس المواشي في يمينك تلفها
هذا وانا في حقكم مجحف اجحاف=والشمس ماحدن عن مساره كسفها

ولكم مني ولها التحية والتقدير


[/poet]