قال التـقاعد جاك ما عنه محوال=دارت بك الأيام والعمر ولّى
وان كان ماعندك تجاره ولا مال=ماظن تفلح قلت لا والله الاّ
انا رصيدي ما يقدّر بالأموال=مكاسبي فالطيب دايم تعلّى
في صحبة أهل الطيب ماضين الافعال=افرح ليامن شفتهم واتسلّى
وان كان مال الوقت والوقت ميّال=امون واطلب حاجتي واتغلّى
قال الزمن ماهو بدايم على حال=لابد تنسى قلت حاشى وكلّى
راعي الوفى مانساه لو الزمن طال=عن صاحبي مهما حصل ما تخلّى
اليا لفاني شوفته تشرح البال=واليا ليفته قام رحّب وهلاّ
هذي تجارة من بغى سترة الحال=وان كان ما تدري مصيرك تحلّى
وخير من كل المكاسب والاعمال=من قام تالي الليل كبّر وصلّى