هلا بك ثم هلابك ثم هلا بك والله وحيّاك=هلا بك يا غناة الروح هلا ياكل مافيني
هلا بك همس(ن) بقلبي تعدى فرحتي بلقاك=هلا واسكن شراييني حبيبي يانظرعيني
أحبك كلمه ماتكفي ولا تروي ظماي إياك=أحبك كلمة(ن) من بُعد تقصيني وتدنيني
أبي وصل(ن) يعزز يا الغلا حبك بحلو شفاك=وأبي قرطوع من شهدك يداويني ويشفيني
أحبك كثر ما أحبك أعادي الكون لجل رضاك=وإلي مني كتبت إسمك ..أحس بنشوتك فيني
سقى الله يا منى روحي ليال(ن) عشتها وياك=صحيح أحلام ولكني بها أتعزّى وتعزيني
تقول الشعر ماعدّا خيالك وأنت لي منساك=وأقول الشعر لعيونك وتدفي بسمك سنيني
أنا ما أقوى على بُعدك ولا ني طايق(ن) فرقاك=أروم الموت لعيونك ولا أحد(ن) فيك يشقيني