أول يافطه قرأتها منذ ان قررت أن اكون مواطنا صالحا كانت ( هل علمت ابنك 998 ) ؟
الله .. ياله من شعور رائع ان تكون مواطنا صالحا تتبع التعليمات وتنفذها
دخلت الى بيتي وناديت ابني :
صالح يا صالح .. تعال وانا ابوك ابيك
ايوه يا بابا
حبيبي حليت واجباتك ؟
ايوه يا بابا
طيب يا صالح بسألك سؤال اذا جاوبت عليه بعطيك خمسة ريال تشتري من البقاله
اسأل يا بابا
لو مثلا لا سمح الله صار حريقه في البيت وانا مو موجود .. وش تسوي ؟
اتصل في الاطفاء يا بابا
شاطر ياصالح ... طيب كم رقم الاطفاء ؟
998
لا يا صالح .. هذه الشرطه يا حبيبي ... الاطفاء 998
998 ؟
صح 998
طيب يعني ما نتصل في الشرطه ؟
الا يا بابا تتصل في الشرطه اذا جاء حرامي للبيت مثلا
يعني اذا جاء حرامي للبيت نتصل على الشرطه 998 واذا صارت حريقه نتصل على الاطفاء 999
لا يا حبيبي .. الشرطه 999 والاطفاء 998
طيب يا بابا انا هذاك اليوم شفت سيارة الشرطه مكتوب عليها 996
هذول يا حبيبي امن الطرق
ايش يعني امن الطرق ؟
يعني لما يصير حادث بين سيارتين نتصل على امن الطرق
يعني ما نتصل على الشرطه ؟
لا لما الحادث يكون في الخط السريع نتصل على امن الطرق ولما يكون داخل المدينه نتصل على الشرطه
ايوه فهمت يا بابا
طيب يالله قولي .. لما ماما تتعب واتصلت فيني وجوالي مقفل وش تسوي ومين تكلم ؟
اكلم الشرطه يا بابا
لا يا حبيبي تكلم الاسعاف على 997
لا يا بابا نكلم امن الطرق
( بصوت غاضب ) تكلم امن الطرق ليه ؟ وش يجون يسون في البيت ؟
طيب نكلم ... امم ... اممم !!
تكلم الاسعاف يا اهبل يا ولد الاهبل ... والاسعاف رقمه كام ؟
997
شاطر ... يالله نسمع من جديد ... لو صارت حريقه تتصل على كام ؟
اتصل على 998
شاطر .. ولو جاء حرامي ؟
اتصل على 997
يا حمار ... مو 997 ... تتصل على الشرطه 999
ايوا نسيت يا بابا 999
طيب ولو ماما تعبت ؟
اتصل على 998
لا يا غبي ... تتصل على 996
( يبكي ) يا بابا صعبه
مو صعبه ولا شيء ... مو انت تبي تصير مواطن صالح ؟
ايوه يا بابا
خلاص روح احفظ الارقام اللي اعطيتك اياها وتعال اسمع لك
حاضر يا بابا