انسـ عادي ــان

عندنا في السعودية يعتبر الخميس يوم اجازة رسمي ولكن للقطاع الحكومي فقط
اما القطاع الخاص فبعضه ايه وبعضه لا يعني حضك نصيبك وهذا يذكرني بلعبة كنا نلعبها وحنا صغار اسمها شختك بختك وهي انك تدفع ريال لراعي البقالة وبعدين يعطيك مكعبات صغيرة تختار واحد منها وكل واحد من المكعبات يحتوي على قطعة حلوة صغيرة ممكن قيمتها عشر هللات وبعضها فارغ وتختار المكعب ومعظم الأحيان تتوهق في مكعب فارغ وترجع تدور ريال جديد وهكذا وهذا بالضبط هو حالنا مع القطاع الخاص.
على العموم ما علينا المهم انه السبت يصير اجازة بس اتوقع القطاع الخاص مستحيلة الفكرة عندهم الا اذا ربنا هدا غازي وضغط عليهم شوي ولا ترا بيعطونا السبت بس بياخذون الجمعة وفي مثل هذه الحالة يحتاج لهم يبنون جامع في كل شركة