يا ابو صالح ... المسجد اللي ينبني الحين جنب بقالة الحارثي قرب يخلص
بالله التوفيق .. الله يجزاه بالخير اللي بناه
بس يا ابو صالح نبي امام
الاوقاف جزاها الله خير بتجيب امام ومؤذن
انا اقول ... ليه ما تقدم انت .. انت اولى من الغريب
بس يا ابو محمد انا محفظ من القرآن الا قليل
يا رجال حافظ جزء عم؟
ايه والحمد لله
خلاص ... بكره روح قدم في الاوقاف قبل ما يجي غيرك
بس انا مقدر اصلي الفروض الخمس في المسجد ... انت تعرف بنتي الكبيرة تدرس في رابغ واوديها مع السواق قبل الفجر .. وانطرها لين تخلص، يعني صلاة الفجر والظهر ما اقدر اصليها في المسجد
يا رجااال ... بنغالي بميتين ريال وهو يوذن ويصلي ويخطب للجمعه اذا تبي
بس يا ابو محمد وشهو الراتب يوم اعطي البغالي ميتين ريال؟
يا ابو صالح انت قدم مؤذن وامام وفراش
ويقبلون ؟
لا يا رجال ... انت امام وولدك صالح مؤذن وعلي فراش ... يعني ثلاث رواتب
انت صاحي .. صالح مؤذن؟ يا رجال خله يصلي الاول بعدين يصير مؤذن!
يا ابو صالح قلنا لك ميتين للبنغالي وهو يسوي كل شيء
طيب ليه انت ما تقدم ؟
انا موظف ... لكن انت متسبب
يصير خير
بعد شهر صدع آذان المغرب من المسجد
الله اكبر الله اكبر
الله اكبر الله اكبر
اسهد الا اله الا الله
اسهد الا اله الا الله
اسهد اني مهمد رسول الله
اسهد اني مهمد رسول الله
هي على السلاة
هي على السلاة
هي على الفلاه
هي على الفلاه
الله اكبر الله اكبر
لا الا الا الله
حضر اهل الحي الى المسجد فرحين بالمسجد الجديد
ثم قامت الصلاة
الله اكبر الله اكبر
اسهد الا اله الا الله
اسهد اني مهمد رسول الله
هي على السلاة
هي على الفلاه
كد كامت السلاة كد كامت السلاة
الله اكبر الله اكبر
لا اله الا الله
ثم بدأت الصلاة بلهجة عربية مكسرة ... لا يعرف الصاد فيها من السين، والحمد الله ان الامام لم يقرأ اي سورة فيها حرف الضاد!
بعد الصلاة خرج اهل الحي من المسجد بينما بقي ابو صالح حتى خرج الجميع، وانفرد بالامام:
محمد اكبر
نعم بابا
اسمع ... لا تطول في الصلاة، قل هو الله احد وقل اعوذ برب الناس ولا تزيد
حازر بابا
اذا اشتغلت زين .... بزيدك 200 يصير اربعمية
شكرا بابا
والدخان ... لا اشوف السجارة في ثمك
بابا انا ما يدخن بطل زمان
اقول صالح امس شايفك تدخن
بابا هزا امس قبل يصير متوع ... الحين متوع مافي دخان
ايه تمام عليك ... يالله قفل المسجد وارجع العشا
حازر بابا
السلام عليكم يا ابو صالح
هلا ابو محمد اتفضل
كيف البنغالي ... اشوفه تمام والله
ايه مشاء الله عليه تقول السديس .. ما احسن صوته
ايه والله انك صادق، تراه ياخذ من السديس ومن الشريم بعد
ايه ... بس فيه غلطة بسيطه
وش هي ؟
قل هو الله احد ... ينطقها كل هو الله احد
يا رجال ما انتبهت، والله اني اشوفه تمام ونطقه صحيح
والله كامل والكامل وجه الله الا (كل) هذه لو ينطقها صح (قل)
يا رجال بلاش هذه السورة ... يعني مافي غيرها؟
الا والله خلني اوصي عليه لا يقراها بعد اليوم
الا كم تعطيه ؟
400 ريال
ليه يا ابو صالح ... ميتين كافيه
يا رجال خله ... صدقة لوجه الله
الله يثيبك يا ابو صالح ويكتبها في ميزان اعمالك
اللهم امين ... ويجزاك عنا وعن المسلمين خير الجزاء يا ابو محمد