من مواضيعه : 0 ياليت عندي عصيده..0 ..الزواج مقبرة الحب..0 لماذا نقرأ سورة الكهف؟؟0 عيادة د.حومة لعلاج كل اللي توجسونه؟؟؟0 من كلام الرحمة المهداه
السلام عليكم.. كيفكم شباب وصبايا؟؟ تذكرت هالاغنيه مع ذكريات الماضي الجميله[ياليت عندي عصيده واربع صواني مرق] المهم.. قاعد أفكر وأهوجس لحالي وسولفت مع نفسي وتناقشنا بماضوع حيوي ومهم وقررنا انكم تشاركونا مع توقعي مسبقا انكم من جنبها ..بتقرون وتنحاشون..بدون ردود تبردالخاطر.. الماضوع هو صدمة الشخص باللي حوله وخصوصا الناس القريبين من قلبه.. شوفوا الحوار اللي دار بيني وبين عقلي وأحكموا.. .. حومة:ليش الناس ماعاد فيها خير .. عقلي:أي ناس ياحومة..يالله صباح خير.. حومة:ياخي القرايب والاصدقاء تحس الماديات والمصالح صارت تغلب على علاقاتهم أكثر من مشاعرهم.. عقلي:تكلم عربي ماني فاهم وش تقصد انت ووجهك.. حومة:مو غريبه من متى تفهم يالثور..اسمع واسكت؟؟ عقلي:أقول لايكثر خلصني..ياوالله النشبه.. حومة: تذكر صويلح أبو سعبوله ناشفه على وجهه..اللي كان ياكل سندويشتي بإسم الصداقه..اللي ماله ضروس.. عقلي:أممممم أذكره ذاك اللي عمر خشمه مانظف وبس يناشق.. حومة:بالظبط،،،شفته من كم يوم.. عقلي:وش فيه.. حومة:تصدق يتصدد عني وكنه مايعرفني ويوم جيت أسلم عليه وأذكره بنفسي سوا نفسه مايتذكر..ضاق صدري والله .. عقلي :تعوذ من ابليس يابن الحلال يمكن صادز مايعرفك..من زينك عشان يعرفك[قالها بصوت واطي ماسمعته] حومة:لا ياخي أنا وياه عشرة عمر حوالي سبع سنين وكنا قاطين سوا ف بنت الجيران ونحبها سوا ونرسل لها رسايل سوا كل هذا نساه..هو وخشمه؟؟ عقلي:....................>>>>>سكت مالقى إجابه أفحمته كالعاده.. .................................................. ........................... بعطيكم الزبده: في بعض الاحيان يأتيك حنين لأيام الماضي وزمن الاصدقاء والبراءه .. زمن كان الصديق يعرف حق صديقه ..ويخلص له بالنصيحه ولا ينتظر المقابل لعطائه.. قد تغمض عينيك وتيتسم عندما تتذكر تلك الايام الجميله..ولكن وبمجرد ان تفتح عينيك..ترى نهاية سوداء مبهمه لهذه الصداقه وتسأل نفسك ..لماذ؟؟؟ قد تكون هذه النهايه هي نتيجة لعدم تقديرنا لتلك الايام الورديه.. او نتيجة الإهمال المتنامي لتغذية هذه العلاقه.. أو لطبيعة الشخص المقابل في ملله من هذه العلاقه وبحثه عن مصالحه وتجرده من العواطف.. وقد يكون بسبب تجاوز الغير وأخطائهم وتماديهم بدون رادع..بإسم الصداقه.. وقد يكون في ظل ردود فعل متوتره وغير منظبطه ..فتكون الخساره كبيره ومؤلمه حد الوجع والبكاء.. قاسيه بدرجة تفوق التحمل والصبر.. محزنه لأنها تتلاعب بحياتنا وعلاقاتنا الخضراء وتحولها لجفاف دائم ومحزن.. يحدث هذا الفراق في لحظات غياب العقل أو لحظات الضعف الإنساني.. وقد يحدث لغياب القلب الطيب وسيطرة المصالح في زمن غياب الود ..زمن أصبح الصديق فيه من المستحيلات.. ولكن مازال الامل موجود ..فغدا" تؤرقنا وتؤرقهم " اللحظه"والذكرى الجميله ..وتلح علينا وعليهم بأن هناك قلوب مخلصه لم تنسى الذكريات الجميله والصداقه الخالصه المخلصه.. ..فالقلب الطيب يصعب تلويثه ..والنفس الصافيه قد تمرض قليلا" بداء المصلحه ولكنها لاتكره ولا تنسى على الإطلاق.. د.حومة..