في شاعر المليـون شفت العجايب =شفت القصيد ألوان وألوان وألوان
شاعر قصيده فــوق هام السحايب=وشاعر مخضرم بالتماثيل فــــنان
وشاعر يقـاسي جرح ماهوبطايب =تعبان قــلبه يــبدع أوزان وأوزان
وشاعر قصيده غـارق ٍ بالغـرايب =شاعر تخاوا مع عفاريت مـن جان
وشاعر على وجـــه ولاهو بجايب =إلا كـــــلام ٍ قــــاله أفلان وأفلان
وشاعر يغــــــني مع نسيم الهبايب =وشـــــاعر يغني ليل ياليـــل يادان
مابين مقــــبل للمــــعارك وهـــايب=تأهـــــلوا صفـــــوة مناعير فرسان
كلن سـرج خيله وجهـــز كتـــــايب=كلــــن يــــدور عــز ربعه وسلطان
كــــلن على البيرق يــحث الركايب=ماغـــيـر بيرق في قطرصار نيشان
ون جاد ظني جــاد ناصر وطـــايب=شعره وللبيرق بلا شك ربـــــــــحان