أبو صالح و أبو راشد قاعدين يشوفون الأخبار في بلدتهم بريدة في القصيم
أبو راشد - وش قاعد تفكر به يا أبو صالح؟؟؟
أبو صالح - أفكر بهالدين العظيم اللي انتشر من أقصى الأرض اللى أقصاها. ناظر هالمسلمين الصينيين.
و الله أنك صادز (صادق) يا أبو صالح
بس ترى ذولا ما يعرفون من الدين الا القشور. طبايعهم زي الأجانب، بس يصلون. المسلمين الصدز هم العرب اللي يفهمون القران و الأحاديث.
و الله أنك صادز يا أبو صالح.
و بعد ترى موب كل العرب مسلمين صحيحين. عندك هالشوام و المصاروه و المغاربه و الله حتى ما يصلون صلاة ربي. ان بغيت المسلمين الصدز تراهم أهل الجزيرة و الخليج.
و الله أنك صادز يا أبو صالح.
و موب بعد كل الخليج. ترى كل هالدول تسمح بالخمر و بالكنايس، الدين الصدز هو ديننا حنا يا أهل السعودية.
و الله أنك صادز يا أبو صالح.
بس عندك بعد أهل الشرقية بهم شيعة و حريمهم ما يغطون ووجيههن، و أهل الغربية حريمهم بعد ما يتغطن و يشيشن، و أهل الشمال حريمهم ما يتغطن بعدعن رجالهم و يجلسن معهم و يضيفنهم. و أهل الجنوب مثلك خابر عندهم بدع واجده. الدين الصدز موجود هنا عندنا في الوسطى .
و الله أنك صادز يا أبو صالح.
بس ترى عندك هنا بالوسطى الناس يتتنون (يدخنون) و يسمعون موسيقى و العياذ بالله. الدين الصدز هنا بالديرة .
و الله أنك صادز يا أبو صالح.
بس بعد موب كل حارة زي الثانية، ترى أكثر أهلها مركبين دشوش و يشوفون القنوات الماجنة. ما فيه مثل حارتنا مافيه و لا دش واحد
و الله أنك صادز يا أبو صالح.
بس الله يهديهم جيراننا مهوب دايم تشوف عيالهم في المسجد، و لا تشوفهم دايم في صلاة الفجر. الصراحة يا بو راشد ما فيه في الحارة يصلون الفجر دايم في المسجد الا أنا و انت.
و الله أنك صادز يا أبو صالح.
!!!!! بس أشوفك يا بو راشد هالأيام ما تخشع زين في صلاة الفجر .
يازينك ساكت يابو راشد 
تحياتي 