يقول الشاعر: قلبي تولع بالرياض.. حب ورثته من الجدود.. ياصفحه ناصعة البياض.. زرعتي للصحرا ورود..من اوبريت مولد امه.. .................................................. ............. بالله عليكم فيه أحلى من زحمة الرياض ف عز القوايل والشمس لاهوب يصلخ علباك.. وكله يهون يوم ننحشر على جنب الطريق لان موكب طويل العمر بيمر بعد ساعه فنضطر اننا نبتسم واحنا محشورين لمدة ساعه تعبيرا" عن وطنيتنا...يعني بالطقاق بالمريض اللي عنده موعد ولا المسافر اللي بتفوته الرحله المهم...خلني ساكته اخاف على وطنيتي من العين.. الله يحفظهم مايمزحون ابد .. بالله كم مواطن صار فيه شد عضلي برجله اليسرى من دعس الكلتش ؟؟ هذا غير اللعنات اللي تجي من كل حدب وصوب ...ياشين الدلع؟؟ نطلع من بيوتنا اوادم ونرجع مندي.. بلادي وان جارت علي عزيزة...