زين بجاوب

أول مرة سقت في مصر
كان معي سيارة فورد قديمة لواحد مصري وكان يحب سيارته كثير مع انها موديل الف وتسعمية وخشبة الا انه يشوفها افخم سيارة في العالم ... طبعا يحق له لان معظم السيارات في مصر اما فيات او بيجو!
المهم كنت ماشي في وسط البلد في منطقة حول ميدان التحرير وكنت ضايع الف والف وارجع عند تمثال سعد زغلول!
المهم ... انا كنت شايف المكان اللي ابيه بس علشان اوصل عنده لازم اخالف واعكس الشارع!
وقفت على جنب وجلست انتظر في السيارة لين تخف الزحمة شوي واقدر اعكس الشارع!
طبعا انا واقف بسيارتي جنب الرصيف ... وفجأة طااااااخ !!
سيارة فيات صغيرة صدمتني من ورا !
نزلت من السيارة الا وهذه المصرية اللي لابسة نظارات وعمرها في الثلاثينيات
(( ايه يا عم ... ماشي بمدرعة في الشارع ))
( يا ستي انا واقف مش ماشي وانتي اللي صدمتيني )
(( وهي دي عربية توقف بيها في الشارع؟ ))
انا جلست ضحك بقوة وهي منغاضة لان سيارتها اتعورت وسيارتي ما اتأثرت ابدا ولا كأنه جاتها صدمة
( عموما حصل خير يا مدام )
(( خير ايه ... عربيتي باضت ))
( وانا ذنبي ايه .. عملت لك حاجة؟؟ انا اللي صدمتك؟ )
(( اوف حاجة تقرف ... ما بتعرفش تركب عربيات زي الناس ... بتعمل بيها ايه كل دي؟؟ حتركب الحارة كلها معاك؟؟ ايه القرف ده ))
وانا اسمع واضحك .. هي طبعا تبي تحط الذنب علي كون سيارتي كبيرة ولو كانت سيارتي صغيرة زي باقي السيارات ما كان صدمتني!!